Late 30:6 - Tedim Bible

⁶ Keimah in ahih leh, ka daupai lai takin, “Ka kiling ngei kei ding hi,” ka ci kha hi.

Tedim Bible Revision 2017

⁶ Keimah in ahihleh, ka daupai laitakin, “Ka kiliing ngei kei ding hi,” ka ci kha hi.

Late 30:6 Referans Kwoze

Late 119:117

Kei ka suahtak theih nading leh na ngeina kipte sungah nuam ka sak ngitnget theih nadingin kei hong huh in.

2 KORIN NIHNA 12:7

Ka ngah mangmatnate a lamdan’ mahmah hangin kisaktheihna lungsim ka neih loh nadingin kei hong daantat na’ng Satan’ sawltak ahi, ka pum hong sun ling khat hong pia hi.

Luka 12:19

Ka kha kiangah, ‘Kha aw, kum tampi zat ding na tampi a kikhol zo hi. Khawl in la, anne tuidawn, nuamsa-in om in, ka ci ding hi,’ a ci hi.

Late 16:8

Topa ka mai-ngat tawntung a, amah in ka taklam-ah om ahih manin ka kiling kei ding hi.

Daniel 4:30

“Babilon khua bang zah takin lian ahi hiam! Kumpi ding leh, ka vangliatna ka thahatna kilat nadinga ka lam ahi hi,” a ci hi.

Isaiah 56:12

Amaute in, “Hong pai un leenggahzu la ni, kham theih zu ne-in gilvah ni; zing ciangin zong tu ni mah bangin gen zawh lohin nuam ding hi,” ci uh hi.

Isaiah 47:7

Nangmah in, “Kei pen, tonu ka hi tawntung ding hi,” ci na hih manin hih thute na lungsim ah koih loin, bang thu piang thei cih zong na ngaihsun kha kei hi.

Late 15:5

a meet-in ama sum kha lo a, thutangte’ lang ah golhguk a la lo mi ahi hi. Hihte khempeuh a hih mi pen liing ngei lo ding hi.

Late 10:6

A lungsim sungah, “Kiling ngei kei ning; khang tawntungin kamsiatna tuak kei ning,” ci-in amah in ngaihsun hi.

Late 126:6

Kap kawm-in kuankhia-in a tuh ding khaici a pua mi in lungdam-a kikona tawh buhlomte pua-in innah hong ciah ding hi.

Isaiah 54:7

Tomno sung nang kong nusia pak a, ahih hangin hehpihna lianpi tawh nang kong lakik ding hi.