Late 3:4 - Tedim Bible

⁴ Nakpi in Topa ka gal sap a, amah in a mual siangtho panin hong dawng hi.

Tedim Bible Revision 2017

⁴ Nakpi takin Topa ka gal sap a, amah in a mual siangtho panin kei a hong dawng hi.

Late 3:4 Referans Kwoze

Late 34:4

Keimah in Topa ka zong a, amah in kei hong dawngin, ka launa khempeuh panin hong honkhia hi.

Late 91:15

Amah in kei hong sap ciangin keimah in amah ka dawng ding hi; haksatna sungah amah ka ompih ding a, amah honkhia-in ka pahtawi ding hi.

Isaiah 65:24

Amaute in hong sap ma-in ke’n ka dawng ding a, thu a gen laitakun ka za ding hi.

Late 34:6

Hih mi hehpihhuaipa kiko-in, Topa in amah za a, ama haksatna khempeuh panin honkhia hi.

Jeim 5:13

Note lakah mi khat peuhmah gimna thuak a om hiam? Amah in thungen ta hen. Khat peuhmah a lungdam leh, la sa ta hen.

Mattiu 7:7

“Ngen un. Na nget uh leh, hong pia ding hi. Zong un. Na zon’ uh leh, na mu ding uh hi. Kongkhak na kiu un. Na kiuh uh leh, hong hon’ ding hi.

Late 43:3

Na khuavak leh na thuman hong sawl khia in la, na mual siangtho leh na omna-ah kei hong paipih sakin, hong khasak in!

Late 2:6

“Ka mual siangtho Zion tungah ka Kumpi ka tusak khin hi,” ci hi.

Late 138:3

Nang kong sap ciangin kei nong dawng a, na thahatna tawh kei nong thakhauhsak hi.

Late 99:9

Topa Pasian phat un la, ama mual siangtho-ah bia un; bang hang hiam cih leh i Topa Pasian siangtho hi!

Late 50:15

haksat hun ciangin kei tungah hong ko un; note kong honkhia ding a, note in kei nong thangsak ding uh hi.”

Piancilna 15:1

Hih thute khit ciangin mang sungah Topa’ thu Abram’ tungah hong tung a, Abram aw, lau kei in, keimah in nangma' lum ka hi hi; na thaman lian mahmah ding hi,” ci hi.

Late 18:3

A phat taak Topa ka sam a, ka galte kiang panin ka suakta hi.

Late 27:6

Tu-in ka kimkot-a om ka galte tungah ka lu kilaamto-in, lungdam-a kikona tawh biak piaknate ama buk sungah ka pia ding a, la ka sa ding hi, Topa’ tungah la ngaih ka sa ding hi.

Late 28:7

Topa in ka hatna leh ka lum hi a, ka lungsim in amah muang hi; tua ahih manin kei hong kihuh a, ka lungsim nuamin diang a, ka lasakna tawh ama tungah lungdamna ka pia hi.

Late 62:8

Mite aw, amah muang tawntung un; na lungkhamna teng uh ama tungah gen un; Pasian in eite’ bukna ahi hi.

Late 84:12

Mi honte Topa aw, nangmah hong muang mi in thupha ngah mi ahi hi!

Late 89:19

Hunlui lai-in na thuman mipa tungah mang sungah thu genin hih bangin na ci hi: A vanglian khatpa tungah lukhu ka koih zo a, mite lak panin a kitengkhia mi khat ka liansak zo hi.

Late 119:114

Nangmah in keima bukna mun leh ka lum na hi hi; nangma thuciamna ka muang hi.

Paunak 2:7

Pasian in thuman mite pilna guan a, midiktatte a hu hi.

Kah la 3:56

Kong thuumna hong ngai in ci-a kong thuum ciangin na hong za hi.