Late 29:3 - Tedim Bible

³ Topa’ aw in tuite tungah om hi; a minthang Pasian ging damdam a, tui tampite tungah Topa om hi.

Tedim Bible Revision 2017

³ Topaʼ awging tuipite tungah kiza hi. A minthang Pasianʼ aw ging damdam a, tui tampite tungah Topaʼ aw kiza hi.

Late 29:3 Referans Kwoze

Paikhiatna 9:33

Tua ahih ciangin Faro' kiang pan khuapi pua-ah Moses paikhia a, Topa’ lamah a khut zan hi; vanging leh gialpi tawp a, leitungah guah bua nawn lo hi.

Paikhiatna 9:28

Topa' tungah thum in; bang hang hiam cih leh hih vanging leh gialpi kicing zo hi; note kong paisak ding a, note na khawl nawn kei ding uh hi,” ci hi.

Mangmuhna 19:6

Tua lai takin mi honpi’ aw, tui lianpi’ aw, nakpi vanging’ aw bang kampau’ aw in: “Hallelujah! Bang hang hiam i cih leh, Vanglianpen Topa i Pasian in a mang hi.

Mangmuhna 16:18

khuaphialepte, awte, vangingte a piang uh hi. Mite in leitungah a om uh-a kipan cikmah huna piang ngei lo a lian a haksa mahmah zinlin’na a piang hi.

Mangmuhna 11:19

Vantungah a om Pasian’ biakinnpi kihongin thuciamna singkuang biakinnpi sungah a kimuh khit ciangin khuaphelepte, kam aw gingte, vangingte, zinliingte, nakpi gialkiatnate a piang uh hi.

Mangmuhna 4:5

Tokhom sung pan khuaphialep tawh, a aw gin’na tawh, vangin’na tawh a pusuak uh hi. Tokhom mai-ah Pasian’ Kha Siangtho sagih ahi, meivak sagih kivakin a om uh hi.

Late 104:3

Van-a om tui tungah na inn na lam a, meiipite, na leeng dingin na bawl a, huih khate' tungah na tuang hi.

1 SAMUEL MASA 7:10

Samuel in meihal biakna a piak lai takin Filistiate in Israelte a do dingin hong naih uh hi; ahih hangin Topa in aw lianpi tawh tua ni-in Filistiate thawn gawpin amaute buaigawp sak hi; Israelte mai-ah amaute kinotkhia hi.

Paikhiatna 19:16

A ni thum ni zingsang ciangin vangingte leh khuaphialepte omin, mual tungah meii sahpi om a, nakpi takin a ging peengkul kitum ahih manin giahphual-a om mi khempeuh liing uh hi.

Mangmuhna 8:5

Tua nungciangin vantungmi in kuang la-in biakna tau pan mei tawh a dimsak khit ciangin leitungah a khiatsuk leh, vanging, aw-ging, khuaphelepte leh zinliingte a piang hi.

Johan 12:29

A kimkot a, ding mihonpite in hih thu a zak uh ciangin, “Van ging hi,’ a ci uh hi. Kimkhat in, “Vantungmi khat in amah tawh kiho hi,” a ci uh hi.

Sawltak 7:2

“Ute naute, pate aw, na ngai ta un. Eite i pa Abraham in Haran gamah a om ma-in Mesopotamia gamah a teen’ lai takin minthan’na Pasian kilang a,

JOB (Job) 36:33

Amah a heh ciangin huihpi sam a, vanging pen ama hong pai nading a kitheihna ahi hi.

JOB (Job) 40:9

Kei zahin nang hat na hi hiam? Kei’ awging zahin nang aa ging zo ding ahi hiam?