Late 28:5 - Tedim Bible

⁵ Amaute in Topa’ nasepna, a khutte’ nasepna thupi ngaihsut lo ahih manin, amah in amaute susia-in a bawlkik nawn kei ding hi.

Tedim Bible Revision 2017

⁵ Amaute in Topaʼ nasepnate thupi ngaihsut lo ahih manun, amah in amaute susia-in a donkik nawn kei ding hi.

Late 28:5 Referans Kwoze

Isaiah 5:12

Amaute in a pawi sung uhah laiza la sakna leh harp la sakna, khuang, tamngai leh leenggahzu tampi nei uh hi; ahih hangin amaute in Topa’ sepnate don lo uh a, a khut tawh a bawlte zong mu lo uh hi.

ROM (Romans) 1:28

Amaute in Pasian thei nuam lo uh ahih ciangin a kituak lo nate ahih nading Pasian in amaute gitlohna lungsim sungah a piak mah bangin,

Johan 12:37

Tua zah nalamdang tampi amaute mai-ah a lah hangin, amau in a um kei uh hi.

Late 10:5

Ahih nate a ma pai ngitnget hi; amah kiphasak a, na thukhennate ama muhna’ bat zawh lohin sang hi; a galte khempeuh ahih leh amah in nehpiksan lel hi.

2 SAMUEL NIHNA 7:13

Amah in keima min dingin inn khat lam ding a, keimah in ama kumpigam tokhom a tawntungin ka kipsak ding hi.

ROM (Romans) 1:20

Bang hang hiam na cih uh leh, ama tawntung vangliatna leh siangthona ahi, mit tawh kimu thei lo nate, lei apian’cil a kipan kilangin a kimu hi. Tua ahih ciangin amaute in a kisuahtak thei kei ding uh hi.

Hosea 14:9

Mipil, thu ngaihsun theite in hih thute thei telin lim takin ciamteh ta hen. Topa’ lampi tang mahmah a, thutang mite in tua lampi tawn uh hi. Mawhneite in tua lampi tawn lo uh ahih manin puk uh hi.

Jeremiah 31:4

Aw, nungak siangtho ahi Israel aw, nang kong bawl pha kik ding hi. Na khuangte na man kik ding a, a gual nuamte’ laamna-ah na va kihel ding hi.

Isaiah 45:18

Vantungte a piangsakpa (amah Pasian!) leitung piangsakin a bawlpa (a kipsakpa; a awngthawl dingin bawl loin, teen’ nading a, leitung a piangsakpa!) Topa in hih bangin ci hi: “Keimah in Topa ka hi a, kuamah dang om lo hi.

Isaiah 45:12

Keimah in leitung ka bawl a, tua tungah mi ka piangsak hi; keima khut in vantungte zal a, keimah in vantung na honpite khempeuh thu ka pia hi.

Isaiah 45:8

“Vantungte aw, tung lam panin thumanna zusak un la, vantungte in thumanna buasuk ta un. Hotkhiatna a po khiat theih nadingin leitang kihong sak un la, thumanna zong po khiato sak un; keimah Topa in hih thu ka bawl khin zo hi.

Isaiah 40:26

A sangna vantung lam ento un la, mu un: kua in hihte piangsak ahi hiam? Amau’ aksi honpite khat khatin piangsakin, a lian ama thahatna tawh amaute khempeuh a min un a sampa ahi hi; vangliatna-ah thahat ahih manin khat beek pelem lo hi.

Isaiah 22:11

Nangmah in, bual lui pan a, tuite khol nadingin kulhpi nih kikal ah tui beempi khat na bawl hi. Ahih hangin nangmah in, tua na a na bawlpa phawk loin, sawt pek a, a na geelpa na don kei hi.

Late 104:24

Topa aw, nangma sepsa bangzah takin tam! Nangmah in ciimna tawh tuate khempeuh na bawl khin hi; leitung in nangma pian’sak ganhingte tawh kidim hi.

1 KUMPI MASATE 11:38

Ka nasempa David bangin ka thukhamte leh ka thupiaknate zuihna tawh nang kong thupiak khempeuh ngai-in, ka lampite tawnin ka mit-ah a manin na gamtat leh, nang tawh hong omkhawmin, David adingin ka hih bangin nang adingin innkuan kician khat kong phuhsak ding a, nangma tungah Israel kong pia ding hi.

2 SAMUEL NIHNA 7:27

Bang hang hiam cih leh Israelte’ Pasian, mi honte’ Topa nangmah in, ‘Nangma ading innkuan khat kong bawlsak ding hi,’ ci-in na nasempa tungah pulakna na bawl khin hi; tua ahih ciangin na nasempa in nang tungah hih thungetna hong ngen ngam hi.

Gamlak-vakna 23:23

Bang hang hiam cih leh Jakob mite a kibum nading om lo a, Israel mite lang khatah aisaanna ding om lo hi; tu-in Jakob suan Israel mite thu tawh kisai-in, ‘Pasian in bang hih hiam!’ kici ding hi.

Late 8:3

Na khutmete’ nasepna, na bawlsa kha leh aksite, na vantungte ka et ciangin,