Late 28:3 - Tedim Bible

³ Amau lungsim sungah siatna om hi napi a vengte tawh kilemna thu a gen khem, siatna bawlte, migilote tawh kei hong lakhia khawm kei in.

Tedim Bible Revision 2017

³ Amauʼ lungsim sungah siatna a om hi napi a veengte tawh kilemna thu a gen khem, siatna bawlte, migilote tawh kei hong la khia khawm kei in.

Late 28:3 Referans Kwoze

Late 55:21

Ama kampau in thawhbat sangin nelzaw a, ahi zongin a lung sungah muhdahna om hi; a kammalte sathau sangin nipzaw a, ahi zongin tuate pen namsau hiam mahmah tawh kibang hi.

Late 12:2

Mi kim in a vengte kiangah zuau thu gen ciat a, phat khemna kamzol leh lungsim nam nih tawh pau uh hi.

Late 26:9

Mimawhte, mi that nuam mite, a khut sungah siatna bawlna a neite leh a khut taklam uh golhguk tawh a kidimte tawh keimah hong susia khawm kei in.

Micah 3:5

Sum a pia zo mite kiangah thunuam gen a, a pia lo mite kiangah, gal tuah ding a gen, kamsangte in mite lam khialsak uh hi. Topa in tua bang kamsangte kiangah,

Mattiu 25:41

Tua ciangin, a veilamah a omte kiangah Kumpipa in, ‘Ciamsiatna a thuak mite aw, dawimangpa leh ama nungzuite ading a kibawl meikuang tawntung sungah kei kiang panin paikhia un.

Late 62:4

Ama za-liatna panin sukniam ding bek amaute in sawm uh hi. Amaute in thuman lo-ah nuam sa uh hi. Amaute in a kam uh tawh phat uh a, ahih hangin a sungtawng uh-ah samsiat uh hi.

Late 36:4

A lupna tungah siat gamtat ding sawm a, hoih lohna-ah amah kibulhtawm hi; amah in siatna nolh lo hi.

Late 10:14

Nangmah in na mu hi; hi takpi hi, na khut sungah na koih theih nadingin haksatna leh gimna na ciamteh hi; tuahsia mi in nangma tungah ama pumpi hong ap hi; pa nei lote a huhpa na hi hi.

Late 7:14

Migilo in thusia gai-in suak nuamin na a, zuauthu hing khia hi.

Mattiu 25:46

Tua mite in tawntung gimna thuak dingin a paikhia ding uh hi. Miphate ahih uh leh, nuntak tawntungna ngah dingin a paikhia ding uh hi,” ci-in thu a hilh hi.

Late 52:1

Mi thahatpa aw, bang hangin miphate suksiatna-ah kiphasak na hi hiam? Sunthapai-in nang in suksiatna na ngaihsun hi.

Late 10:7

Ama kampau in hamsia leh khemna leh netniamna tawh kidim a, siatna leh manlohna thugenin nei hi.

Gamlak-vakna 16:26

Amah in mihonte kiangah, “Amaute’ khialhna khempeuh tawh note hong kiphiat khia kha ding ahih manin, hih migilote’ puanbuk panin paikhia un la, amau’ na khat beek lawng kha kei un, hong thuum ing,” a ci hi.

Late 141:4

Mawhna bawl nopna lungsim hong nei sak kei in la, a gilo mite tawh hong kikhawlsak kei in. Amau anlimte hong duhgawh sak kei ta in.