Late 28:2 - Tedim Bible

² Siangthopen mun lamah ka khutte laamto a, nang kiangah huhna kong nget mah bangin, kong thumna aw hong za in.

Tedim Bible Revision 2017

² Siangtho pen mun lamah ka khutte hong laam to a, nangma kiangah huhna kong nget mah bangin kong thumna aw hong za in.

Late 28:2 Referans Kwoze

Late 138:2

nangma biakinn siangtho lamah ka kun a, na itna kip leh na thumanna hangin na min kong phat hi; bang hang hiam cih leh na khempeuh sangin na min leh na thu a liat zawkna na lak hi.

Late 141:2

Ka thungetna pen nangma mai-ah paknamtui, ka khutte ka laptohna pen nitak biak piakna bangsak in!

1 TIMOTI MASA 2:8

Tua ahih ciangin mun khempeuh ah pasalte in hehna, kinialna om loin a khut siangtho lamto-in thu a nget ding uh ka deih hi.

Late 140:6

Topa’ tungah hih bangin ka ci hi: Nang in keima Pasian na hi hi; keima thuumna awte hong ngai in, Topa!

Late 134:2

Siangtho mun lamah na khutte uh laamto un la, Topa phat un!

Late 5:7

Kei ahih leh, a kicing na itna kip suangin na inn sungah ka tum ding a, nangmah zahtakna tawh a siangtho na biakinn lam nga-in ka bia ding hi.

Daniel 6:10

Daniel in tua bang thu piakna lai kihawm khia khin zo ta hi cih a theih ciangin a innah a ciah hi. A inn tungnung dei sungah Jerusalem lam a nga kongvang neu thum a om hi. Tua lai takah kongvang neu honsa-in ahih ngei bangin khukdin’ in, ni khatin thum vei ta Pasian kiangah thu a ngen hi.

Kah la 2:19

Zanin tho themthum in la, Pasian tungah kiko in. Na tate in hehpihna ngah nadingin na lungsim khempeuh pia in. Kongzing khempeuh ah naupangte puksi khin dektak uh hi.

Late 143:6

Thu ngenin nang lamah ka khut kong zan a, leikeu in tui a duh bangin nang kong duh hi.

Late 125:5

Ahih hangin amau’ gitlohna a zui mite pen siatna bawlte daan na piak ciangin, amaute tawh pia khawm in. Israelte tungah nopna om ta hen!

Late 63:4

Tua ahih ciangin ka nuntak lai teng nangmah kong phat ding a, ka khutte nang lamah lamto-in thu kong ngen ding hi.

2 KHANG TANGTHU NIHNATE 6:13

Solomon in a dung tong nga, a vai tong nga, a sang tong thum a pha sumngo tau khat bawlin inntual ah koih khin hi; tua ciangin tua tungah amah ding hi. Tua ciangin Israel a kikhawmte khempeuh muhin amah khuk din’in van lamah a khut zan hi;

1 KUMPI MASATE 8:38

mi khatpeuh ahi a, na mi Israelte khempeuh un ahi zongin amau’ lungsim natna thei-in hih inn lamah a khutte hong zanin bangbang thungetna hita leh bangbang thuumna hita leh hong bawl leh,

1 KUMPI MASATE 6:19

Amah in Topa thuciamna singkuang koih nadingin inn sung tawng penah biakinn sungnung bawl hi.

1 KUMPI MASATE 6:5

Amah in biakna pang tuak leh a nung lam inn kawm kimkotin inn kawm tungah zong inn lam hi; amah in a kimkot a pangah inndei bawl hi.

Late 130:2

Topa aw, ka aw hong za in! Ka thumna aw-gingte hong ngai in!

Late 141:1

Topa aw, nang kong sam hi; hong kinawh in! Nang kong sap ciangin ka aw hong ngai in!

Daniel 6:11

Tua ciangin amah a encik mite in Daniel in pasian kianga thu a nget a mu uh hi.