Late 27:9 - Tedim Bible

⁹ Kei kiang panin na maitang seel kei in. Hehna tawh na nasempa hawlkhia kei in, kei hong huh ngeipa na hi hi. Hong paaikhia kei in la, hong nusia kei in, ka kihotkhiatna Pasian aw!

Tedim Bible Revision 2017

⁹ Kei kiang panin na maitang seel kei in. Hehpihna tawh na nasem pa hong hawl khia kei in; kei hong nei pa na hi hi. Hong paai khia kei inla, hong nusia kei in, kei hong hon khia Pasian aw.

Late 27:9 Referans Kwoze

Late 69:17

Na nasempa kiang pan na maitang seel kei in la, kei cimawh ka hih ciangin hong dawng meng in.

Late 143:7

Topa aw, kei hong dawng mengmeng in! Kei ka cimawh ta hi! Leihawm sung misite kiang-a paisukte tawh ka kibat loh nadingin kei kiang panin na maitang seel kei in.

Late 102:2

Ka cihmawh hunin kei kiang panin bu kei in! Keima lam hong nga in la, kong sap ciangin hong dawng pah in!

Hebru 13:5

Sumduh luatna tawh na kipelh un. Na neihsa zah uh sum tawh lungkim un. Bang hang hiam na cih uh leh, “Keimah in nang kong paisan ngei kei ding hi, zong kong nusia ngei kei ding hi,” ci-in Pasian in hong gen zo hi.

Jeremiah 32:40

Amaute’ tungah a tawntungin hoihna ka bawl det nadingin amaute tawh tawntung thuciamna khat ka bawl ding hi. Kei’ kiang panin a kiheikhiat loh nadingun amaute’ sungah kei hong zahtakna lungsim ka koih ding hi.

Late 24:5

Amah in Topa tung panin thupha ngah ding a, amah a honkhia Pasian kiang panin diksakna ngah ding hi.

Late 119:121

Keimah in, thutang leh thumanin ka gamta hi; kei hong nengniamte’ khut sungah hong nusia kei in.

Late 88:1

Topa, ka Pasian aw, sun-in huhna kong ngen a, zan-in nangma mai-ah kong kiko hi.

Late 51:11

Na omna panin kei hong paikhia kei in la, kei kiang panin na Kha Siangtho la kei in.

Late 44:24

Bang hangin na maitang seel na hi hiam? Bang hangin ka thuakna uh leh hong kisukcipna mangngilh na hi hiam?

Late 13:1

Topa aw, bang tanvei hi ding ahi hiam? Kei hong mangngilh paisuak ding na hi hiam? Bang tanvei kei kiang pan na maitang seel ding na hi hiam?

1 SAMUEL MASA 7:12

Tua ciangin Samuel in suangtum khat la-in Mizpah leh Jeshanah kikalah phut a, a min Ebenezer phuak hi; bang hang hiam cih leh amah in, “Tu ciangciang Topa in eite hong huh hi,” a ci hi.

Isaiah 50:1

Topa in: “Amah ka ciahsakna, na nu a kimakna lai koi-ah om ahi hiam? Tua ahih kei leh, nang kong zuakna ka lei batnate koi pen ahi hiam? En un, nomau’ mawhna hangin note hong kizuak a, nomau’ khialhna hangin na nu uh kipaikhiasak hi.

1 KHANG TANGTHU MASATE 28:9

“Tu-in nang, ka tapa Solomon aw, na pa’ Pasian thei in la, na lungsim khempeuh leh utna lungsim tawh ama na sem in; bang hang hiam cih leh Topa in lungsim khempeuh zong a, ngimna leh ngaihsutna khempeuh thei hi. Nangmah in amah na zon’ leh nangmah in amah na mu ding hi; ahih hangin amah na nusiat leh amah in nang hong paaikhia paisuak ding hi.

Isaiah 59:2

ahih hangin note’ mawhnate in note leh na Pasian uh kikhenna piangsak a, amah in hong zak theih loh nadingin na khialhnate un ama maitang liah hi.

Late 69:18

Kei kiangah hong nai in la hong tan in, ka galte’ hangin kei hong khah in!

Late 102:3

Bang hang hiam cih leh keima nuntakna, meikhu bangin beimang a, ka pumpi, meikuang bangin a sa hi.