Late 27:6 - Tedim Bible

⁶ Tu-in ka kimkot-a om ka galte tungah ka lu kilaamto-in, lungdam-a kikona tawh biak piaknate ama buk sungah ka pia ding a, la ka sa ding hi, Topa’ tungah la ngaih ka sa ding hi.

Tedim Bible Revision 2017

⁶ Tu-in ka kimkot ah a om ka galte tungah ka gualzo ding hi. Lungdamin kikona tawh ama buk sungah biakna ka pia dinga, la ka sa ding hi. Topa tungah la ngaih ka sa ding hi.

Late 27:6 Referans Kwoze

Late 3:3

Ahih hangin, Topa aw, nangmah in ka kidalna lum, ka minthan’na leh ka lu hong phongpa na hi hi.

Hebru 13:15

Tua ahih ciangin tua Topa hangin eite in ama min i man’ muk’ gah ahi, phatna biakna Pasian kiangah a tawntungin pia ni.

Late 107:22

Lungdamkoh piaknate pia-in, ama nasepnate lungdam late tawh amaute gen sak un!

Isaiah 12:6

Zion-a teeng mite aw, nomau’ lakah Israelte’ Siangtho Pa lianin om ahih manin awng un la, lungdamin la sa un,” a cih hun uh hong tung ding hi.

2 SAMUEL NIHNA 22:49

ka galte panin kei hong paikhiat pihpa lian ta hen; nangmah in ka langte tungah kei nong liansak a, mi ngongtatte kiang panin kei nong honkhia hi.

Mangmuhna 15:3

Tua mite in Pasian’ sila Moses’ la leh Tuuno’ la sa-in: “Vanglianpen Topa Pasian aw, Na bawlnate lianin, a lamdang mahmah hi! Mipawl khempeuhte’ Kumpipa aw, Na gamtatnate in a dikin, a man hi!

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, dikna leh gupkhiatna tawh hong pai a, ahi zongin kiniamkhiatna tawh hong pai-in sin nai loh lano tungah hong tuang hi.

Jeremiah 33:11

Ahih hangin lungdamna aw leh kipahna awte, zi nei thakte leh mothakte’ awte kiza kik ding hi. Mite in Topa’ biakinn ah hong pai-in lungdam biakna pia-in: ‘A vanglian Topa tungah lungdamna pia un. Bang hang hiam cih leh Topa hoih a, ama’ itna kip kho tawntung hi!’ ci-a a lasakna awte uh a kiza kik ding hi. Bang hang hiam cih leh Topa in kong cih-inah a masa-a mah bangin hih gam ka hausak kik ding hi.

Mangmuhna 5:9

“Nangmah in laibu la-in, ciamtehnate hong dingin na kilawm hi. Bang hang hiam na cih leh, thahna na thuak khit ciangin mi nam khempeuh, kam khempeuh, pawl khempeuh, gam khempeuhte sung panin, Pasian ading na sisan tawh lei-in,

1 PETER MASA 2:5

note in zong a nungta suangte bangin a kilam, Kha inn na hi uh hi; Zeisu Khazih hangin Pasian san’ theih ding akilawm biakna a pia thei, a siangtho siampi pawl-in zong a piang na hi uh hi.

Late 95:1

Hong pai un, Topa phat ni; eite a hong hu, a hong honkhia pa tungah lungdamna la sa ni.

2 SAMUEL NIHNA 7:9

na paina peuhpeuhah nang tawh kong om a, na mai panin na galte khempeuh ka khaktan hi; leitung miliante’ min khat mah bangin nang adingin min lian khat kong bawlsak ding hi.

Jeremiah 31:7

Bang hang hiam cih leh Topa in kong cih-inah, “Jakob adingin lungdamna tawh ngaih takin la sa un la, gam khempeuh lak a, gam lianpen adingin awng un. ‘Topa in Israel mi a om laite, ama’ mite hong honkhia khin zo hi,’ ci-in tangko un la, phat un.

Late 138:5

Topa’ minthan’na lian ahih manin amaute in Topa’ nasepna ziate la-in sa ding uh hi.

Late 110:7

Amah in lampi gei-a luitui dawnin thahat ding a, amah a gualzo-in om ding hi.

Late 81:1

Eite’ thahatna ahi Pasian’ tungah nakpi-in la sa un la, Jakob Pasian’ tungah lungdamin awng un!

Late 47:1

Mi khempeuh aw, na khut uh beeng un! Lungdamna la nakpi-in sa-in Pasian phat un.

Late 21:13

Topa aw, na hatna hangin nang hong kipahtawi ta hen! Nangma vangliatna la sa-in kong phat ding uh hi.

Late 21:1

Topa aw, nangma thahatna sungah kumpipa lungdam a, gawlzawhna na piakna sungah amah naknuam mahmah hi.

1 KHANG TANGTHU MASATE 22:18

“Topa na Pasian uh note tawh om hilo ahi hiam? Amah in na kiim khempeuh uhah kilemna hong pia hilo ahi hiam? Bang hang hiam cih leh amah in gam sungah teeng mite keima khut sungah hong pia khin hi; Topa leh ama mite mai-ah gam sung khempeuh kinuai-siah hi.

2 KUMPI NIHNATE 25:27

Judah kumpipa Jehoiakhin thong sungah a om zawh kum sawmthum-le-sagihna kum, kha sawm-le-nihna, tua kha in sawmnih-le-sagih ni, Babilon kumpipa Evil-merodak in uk ding a kipat kumin, hehpihna tawh thong panin Judah kumpipa Jehoiakhin khah hi;

2 SAMUEL NIHNA 22:1

Tua ciangin Topa in ama galte khempeuh’ khut sung, leh Saul’ khut sung panin amah a hotkhiat ni-in David in hih la kammalte Topa tungah gen hi.

Piancilna 40:13

ni thum sungin Faro in nang hong khah ding a, na za-ah nang hong koih kik ding hi; ama' an piapa na hih lai-a mah bangin ama' khut tungah Faro’ hai na pia ding hi.

Piancilna 40:20

A ni thum ni, Faro’ suah ni hunin, amah in a nasemte khempeuh’ adingin pawi khat kham a, an piapipa leh an huanpipa la khia hi.

Late 3:4

Nakpi in Topa ka gal sap a, amah in a mual siangtho panin hong dawng hi.

Late 57:8

Ka tho ding hi! Harp lasakna leh laiza lasakna aw, tho un! Zingsang khuavak hong phong ning!

Late 119:108

Topa aw, phat-a kong biaknate hong sang in la, nangma biakna ngeina kipte kei hong hilh in.