Late 27:10 - Tedim Bible

¹⁰ Bang hang hiam cih leh ka nu leh ka pa in hong nusiat hangin Topa in kei hong kem ding hi.

Tedim Bible Revision 2017

¹⁰ Bang hang hiam cih leh ka nu le ka pa in hong nusiat hangin Topa in kei hong kem ding hi.

Late 27:10 Referans Kwoze

Isaiah 49:15

Ahih hangin Topa in, “Ama gilsung pan-a a suak nau hehpih lo ding zahin nupi khat in ama nawi a teep naungek mangngilh thei ding ahi hiam? Hihte nangawn in mangngilh kha thei ding hi, ahi zongin ke’n kong mangngilh kei ding hi.

Isaiah 40:11

Amah in tuucingpa bangin a tuuhonte an vak ding a, amah in a tuunote a khut sungah kaikhawmin, amah in tuate a ang sungah pua ding a, no ngeek a neite pen dam takin paipih ding hi.

Johan 16:32

En un, note in na omna ciat uhah na kikhenthang ding uh a, kei guak na hong nusiat nading uh ahun hong tung ding a, a tung zo hi. Ahih hangin kei guak ka om kei hi; Pa in kei tawh a omkhawm hi.

Mattiu 10:36

Mi khat adingin ama innkuanpihte mah a gal hong suak ding hi.

2 TIMOTI NIHNA 4:16

Amasa-a ka kihutna thu ka gen lai takin keima lamah kuamah a om kei hi, mi khempeuh in kei hong taisan uh hi. Tua thu hangin amaute tungah mawhsakna om kei hen.

Late 69:8

Ka sanggamte lakah midang ka suak khin a, ka innkuanpihte lakah khualmi ka suak hi.

Johan 9:35

Amaute in amah a hawlkhiatna thu Zeisu in za a, tua pa a muh ciangin, “Pasian’ Tapa na um hiam?” ci-in a dong hi.

2 SAMUEL NIHNA 16:11

Tua ciangin David in Abishai leh a nasemte khempeuh kiangah, “En un, keima tapa mahmah in kei thah dingin hong zong hi; hih Benjamin mi in bangzahin tu-in hong zong zaw ding hiam! Ama thu-in omsak un, amah samsia sak un; bang hang hiam cih leh Topa in amah sawl hi.