Late 26:8 - Tedim Bible

⁸ Topa aw, nangma inn-a teen’ ding leh na minthang a omna mun-ah om ding ka ut hi.

Tedim Bible Revision 2017

⁸ Topa aw, nangma inn-a ten ding le na minthang a omna munah om ding ka ut hi.

Late 26:8 Referans Kwoze

Luka 2:49

Naupang in, “Bang hangin kei hong zong na hi uh hiam? Ka Pa innah om ka hih lam thei lo na hi uh hiam?” a ci hi.

Luka 2:46

Ni thum khit ciangin, naupang biakna innpi sungah thuhilhte lai zangah tu a, amaute thu ngai a, amaute kiangah thu dongin a om a mu uh hi.

Isaiah 38:22

Hezekiah in, “Topa’ innah ka paitoh zawh nadingin bang lim om ahi hiam?” ci-in a dong hi.

Isaiah 38:20

Topa in kei hong hon ding a, Topa’ inn sungah i nuntak sung tawntung khausai lasakna i tum ding hi.

Late 122:9

Topa i Pasian’ inn ka khualna-in nangma nopsakna ka zong ding hi.

Late 84:10

Bang hang hiam cih leh mun dangah ni tulkhat om sangin nangma huang sungah ni khat om hoih zaw hi. Gitlohna inn sungah ka teen’ sangin ka Pasian’ inn kongcingpa ka hi nuamzaw hi.

Late 42:4

Ka lungsim sung ka suahkhia a, pawi bawl mi honkhat, kipak a otna leh nuamna la tawh Pasian’ innah ka makaihna, mihon tawh ka paina ka phawk hi.

2 KHANG TANGTHU NIHNATE 5:14

meii hangin siampite in na sem zo lo uh hi; bang hang hiam cih leh Topa’ minthan’na in Pasian’ inn sung a dim hi.

1 KHANG TANGTHU MASATE 29:3

Tua tham loin, a siangtho inn adingin ka koihte khempeuh banah, ngun leh kham keima aa mahmah zong om a, ka pa Pasian’ inn ka ngaihsutna hangin ka Pasian’ innah ka piakte in:

2 SAMUEL NIHNA 15:25

Tua ciangin kumpipa in Zadok kiangah, “Pasian thuciamna singkuang khuapi sungah pua kik in. Topa’ maipha na muh nak leh, amah in kei hong paipih kikin amah leh a omna mun hong musak kik ding hi;

2 KHANG TANGTHU NIHNATE 7:1

Solomon a thunget a tawp ciangin, vantung panin meikuang hong pai sukin meihal biakna leh biak piaknate haltum a, tua ciangin Topa’ minthan’na in biakinn hong dim hi.

2 KHANG TANGTHU NIHNATE 7:2

Topa’ minthan’na in Topa’ inn dim ahih manin Topa’ inn sungah siampite lut thei lo uh hi.

Ezekiel 3:12

Tua ciangin Pasian’ Kha in hong paipih to a, ziin’ liing zahin a gin’ ngaih awging khat ka nungah ka za a, “Vantungah a om Topa, ama minthan’na hangin phat un,” ci-in a kiko hi.