Late 26:6 - Tedim Bible

⁶ Topa aw, mawh baan’lohna ka lahna-in ka khutte ka sil a, biakna pia-in na biakna tau kim-ah ka pai hi;

Tedim Bible Revision 2017

⁶ Topa aw, mawh baan lohna ka lahna-in ka khutte ka sil a, biakna pia-in na biakna tau kiim ah ka pai hi.

Late 26:6 Referans Kwoze

Late 73:13

Ka lungsim siang sak a, dikna tawh ka khutte ka sil siang hangin phattuamna om lo hi.

Titu 3:5

eite gamtatna pha hang hi loin ama hehpihna bangin nihvei suahna tawh kipawl sawp siangna tawh ahi zongin, Kha Siangtho’ hong bawlphat thakna tawh hong gum hi.

1 TIMOTI MASA 2:8

Tua ahih ciangin mun khempeuh ah pasalte in hehna, kinialna om loin a khut siangtho lamto-in thu a nget ding uh ka deih hi.

Late 43:4

Tua ciangin Pasian biakna tau ahi zongin, ka lungdamna Pasian kiangah ahi zongin ka pia dinga, laiza khausai lasakna tawh nang kong phat ding hi, aw Pasian, ka Pasian aw.

Late 24:4

Khut siangtho leh lung siangtho a nei, a man lo-ah a nuntakna pia loin, khemna tawh a kiciam lo mite ahi hi.

Thu-hilhkikna 21:6

A kithat mipa tawh a kinaipen khuapi upate khempeuh in kuam sunga ngawng a kitan bawngla tungah a khut uh sil ding uh hi;

Johan 13:9

Tua ciangin Simon Piter in, “Topa aw, ka khe bek hong sil kei in, ka khut leh ka lu zong hong silsak in,” a ci hi.