Late 26:3 - Tedim Bible

³ Bang hang hiam cih leh na itna kip ka mai-ah om a, na tungah citakin ka gamta hi.

Tedim Bible Revision 2017

³ Bang hang hiam cih leh na itna kip in lam hong lak a, nangma tungah citakin ka gamta hi.

Late 26:3 Referans Kwoze

1 JOHAN MASA 1:7

Amah in khuavak sungah a om mah bangin eite zong khuavak sungah i om leh, khat leh khat kihothei-in, a Tapa Zeisu’ si in eite mawhna khempeuh hong sawpsiang hi.

2 KUMPI NIHNATE 20:3

“Nangma mai-ah thuman tak leh lungsim khempeuh tawh ka gamtatna, leh nangma muhna ah a hoih ka sepna thu tu-in hong phawk in, kong thum hi, Topa aw,” a ci hi. Tua ciangin Hezekiah nakpi takin kap hi.

2 JOHAN NIHNA 1:4

Eite in Pa kiang pan thupiakna i ngah bangin, na tate kimkhat in thuman thutak lam zui-in a om uh ka muh ciangin ka lung a dam mahmah hi.

Efesa 4:32

Khat leh khat na kihehpih un, thupha na kibawl un la, Khazih’ hangah Pasian in na mawhna uh hong maisak mah bangin note khat leh khat mawhna kimaisak un.

2 KORIN NIHNA 8:9

Bang hang hiam na cih uh leh, i Topa Zeisu Khazih in a hau napi-in zawngkhalna a thuakna tawh note in hauhna na ngah nadingun note tangdingin zawngkhalna a thuak thupha hehpihna na thei uh hi.

2 KORIN NIHNA 3:18

Eite khempeuh in mai sitna om loin limlang i et mah bangin Topa’ minthan’na mu-in, Kha Siangtho ahi Topa in hong sawl mah bangin eite minthan’na khang semsemin ama meel sun-in i kikheel hi.

Johan 14:6

Zeisu in, “Keimah in lampi ka hi hi, thuman thutak ka hi hi, nuntakna lah ka hi hi. Kei hong suang loin kuamah in Pa kiang a tung zo kei ding hi.

Luka 6:36

Na Pa un hehpihna lungsim a neih bangin note in zong hehpihna lungsim na nei un.”

Isaiah 8:20

Tua ciangin note in, “Topa hong hilh thute leh teci panna thute ngai un. Aisante’ thu ngai kei un. Amaute in zing khuavak nei lo ahih manin hong gen thute a kiman’na om lo hi,” ci-in dawng un.

Isaiah 2:5

Jakob’ suan leh khakte aw, hong pai un, Topa’ khuavak sungah gamta ni.

Late 119:142

Nangma thumanna kip tawntung a, na thukham zong man tawntung hi.

Late 101:2

Paubaan’na a om lo thu bek ka kin ding hi. Cik ciangin kei kiangah nang hong pai ding na hi hiam? Lungsim hoihna tawh ka inn sungah ka gamta ding hi;

Late 86:11

Topa aw, nang tungah hong thumanin na lampi ka zuih theih nadingin kei hong hilh in; nangma min a zahtakte tawh ka lungsim pumkhat hong hi sak in.

Late 52:1

Mi thahatpa aw, bang hangin miphate suksiatna-ah kiphasak na hi hiam? Sunthapai-in nang in suksiatna na ngaihsun hi.

Late 25:5

Na thuman sungah kei hong paipih in la hong hilh in, bang hang hiam cih leh nangmah in ka kihotkhiatna Pasian na hi hi; sunthapai-in nang kong ngak hi.

3 JOHAN THUMNA 1:11

Ka it mi aw, a sia lam zui kei in, a hoih lam zui in. A hoih a gamta mi in Pasian tawh kipawl hi. A hoih lo a a gamta mi in Pasian a mu nai kei hi.