Late 26:1 - Tedim Bible

¹ Topa aw, a hoih-in gamta-in, lungka loin Topa muang ka hih manin, ka thutan’na hong lak in.

Tedim Bible Revision 2017

¹ Topa aw, a hoihin gamta-in Topa hong muang ka hih manin, ka thutanna hong lak in.

Late 26:1 Referans Kwoze

Late 28:7

Topa in ka hatna leh ka lum hi a, ka lungsim in amah muang hi; tua ahih manin kei hong kihuh a, ka lungsim nuamin diang a, ka lasakna tawh ama tungah lungdamna ka pia hi.

Late 7:8

Topa in mite thukhen hi; Topa aw, ka thumanna leh ka sunga om keima dikna tawh kizui-in thu hong khen in.

Paunak 20:7

Mi khat thumanin a hoihin a nuntak leh, ama suan-le-khakte mi hampha ahi uh hi.

Late 21:7

Bang hang hiam cih leh kumpipa in Topa muang a, Sangpen Pa’ itna kip hangin amah a kiling kei ding hi.

2 KUMPI NIHNATE 20:3

“Nangma mai-ah thuman tak leh lungsim khempeuh tawh ka gamtatna, leh nangma muhna ah a hoih ka sepna thu tu-in hong phawk in, kong thum hi, Topa aw,” a ci hi. Tua ciangin Hezekiah nakpi takin kap hi.

1 SAMUEL MASA 24:15

Tua ahih ciangin Topa in thukhen hong hi-in, kei leh nang kikalah thukhenna hong pia hen la, hih thu thei-in ka thu-ah hong pang hen la, na khutsung panin kei hong honkhia hen,” a ci hi.

2 PETER NIHNA 1:10

Tua ahih ciangin ute naute aw, note hong sapna leh hong teelna kipsak nadingin, nakpi-in hahkat zaw un. Tua bang na hih uh leh, na puk ngei kei ding uh hi.

1 PETER MASA 1:5

Tua luahna in a nunung bel hun ciangin hong kilat nadingin a kibawlkholsa-a om gupkhiatna i ngah nadingin i upmanin Pasian’ vangliatna in hong kipsak note ading, vantungah kikhol-a a om luahna ahi hi.

Hebru 10:23

Lametna thu tawh kipawl i man’nate sawisak loin lenkip ni. Bang hang hiam na cih uh leh, thuciamna a koihpa in thuman mi ahi hi.

2 KORIN NIHNA 1:12

Kote kisaktheihna in leitung pilna suang loin, Pasian’ hehpihna thupha suangin Pasian hong piak lungsim siangthona leh dikna tawh, a lian belin gen lehang, kote in note lakah ahi zongin, leitungah ahi zongin gamta-in ka bawl uh hi ci-in ka theihna lungsim un teci hong pang hi.

Paunak 29:25

Midangte kihtakna in hong lunghimawhsak a, Topa muan’na in hong lungmuangsak hi.

Late 121:3

Amah in ka khe taalsak lo ding a, kei hong kempa lusu lo ding hi.

Late 94:18

Topa aw, “Ka khe taal,” ci-a ka ngaihsut ciangin na itna kip in kei hong kaito hi.

Late 62:6

Ka suangpi, ka kihotkhiatna, ka munkip muan’huai in amah bek hi a, kei ka kiling kei ding hi.

Late 62:2

Ka suangpi, ka kihotkhiatna, ka munkip muan’huai in amah bek hi a, kei ka kinak lin' kei ding hi.

Late 54:1

Pasian aw, nangma min tawh kei hong hon in la, na vaang tawh ka dikna kilangsak in.

Late 43:1

Pasian aw, ka dikna hong langsak in la, migilote tawh ka thu-ah hong panpih in; mi kheemte leh thutang lote kiang panin kei hong honkhia in!

Late 37:31

A lungsim sungah ama Pasian’ thukham om hi; a kalsuante taal lo hi.

Late 35:24

Topa ka Pasian aw, nangma thumanna tawh kituakin keima thutan’na hong langsak in la, amaute kei tungah lungdamsak kei in!

Late 31:14

Ahih hangin keimah in nang kong muang hi, Topa aw, “Nangmah in keima Pasian na hi hi,” kong ci hi.

Late 26:11

Ahih hangin kei ahih leh, ka hoih gamtat hi; hong tankhia in la kei hong hehpih in.

Late 25:21

Nang hong ngak ka hih manin, kicin’na leh thutan’na in kei hong kem ta hen.

Late 25:2

Ka Pasian aw, nang kong muang hi, hong zahhuaisak kei in; ka galte ka tungah gualzo-in lungdam sak kei in.

Late 15:2

Paubang loin gamta-in, a manin na sem a, lungsim tak a gen mi,

Late 4:5

A maan biakna piaknate lui un la, Topa muang un.

1 SAMUEL MASA 2:9

“Amah in a thuman ama mite kalsuanna cing ding a, ahih hangin migilote khuamialna sungah kikhiasuk ding hi; bang hang hiam cih leh thatang hatna tawh mi gualzo lo ding hi.

JOB (Job) 2:3

Tua ciangin Topa in Satan kiangah, “Ka nasem Job na phawk hiam? A paubaang lo, a thutang, Pasian zahtakin gamtat hoih lo a pel, amah tawh a kibang midang leitungah om lo hi. Thu om lopi-in amah susia dingin kei nong kampau sak a, ahi zongin, ama hoihna bangmah hem tuan lo hi,” a ci hi.

JOB (Job) 4:6

Na biakna in hong hehnem zo lo ahi hiam? A paubaang lo, na nuntakna in lametna hong pia zo lo ahi hiam?