Late 24:4 - Tedim Bible

⁴ Khut siangtho leh lung siangtho a nei, a man lo-ah a nuntakna pia loin, khemna tawh a kiciam lo mite ahi hi.

Tedim Bible Revision 2017

⁴ Gamtat siangtho le lungsim siangtho a nei, a man lo thu ah a nuntakna pia loin, khemna tawh a kiciam lo mite ahi hi.

Late 24:4 Referans Kwoze

Mattiu 5:8

“Lungsim siangthote in thupha a ngah ding uh hi. Bang hang hiam na cih uh leh, amau in Pasian a mu ding uh hi.”

Late 51:10

Pasian aw, ka sungah lungsim siangtho hong piangsak in la, a thak, a man, ngaihsutna ka sungah hong guan in.

Jeim 4:8

Pasian kiangah nai un. Tua bang na hih uh leh, nomau kiangah a hong nai ding hi. Mawhneite aw, na khut uh siangthosak un. Lungka mite aw, na lungsim uh na siangthosak un.

JOB (Job) 17:9

Mite’ zahtak-a kinei mite in, amau’ ngaihsutna man sa semsem uh hi. Thuman sem mite in thahat semsem ding hi.

Late 73:1

A lungsim sung a siangtho, thutangte tungah Pasian hoih takpi hi.

2 KORIN NIHNA 7:1

Tua ahih ciangin ka itte aw, tua thuciamna eite tawh kikum ahih ciangin i pumpi kihhuainate leh lungsim kihhuainate khempeuh panin kisiangthosakin, Pasian kihta-in, a siangtho gamtatna tawh dimin om ni.

Late 26:6

Topa aw, mawh baan’lohna ka lahna-in ka khutte ka sil a, biakna pia-in na biakna tau kim-ah ka pai hi;

1 TIMOTI MASA 2:8

Tua ahih ciangin mun khempeuh ah pasalte in hehna, kinialna om loin a khut siangtho lamto-in thu a nget ding uh ka deih hi.

Sawltak 15:9

amaute leh eimaute atuam atuam khen loin upna tawh, amaute lung sungah siangthosakin amau ading teci a pang hi.

Late 18:20

Topa in ka thumanna tawh kizui-in keimah noptuamna hong pia a, ka khut siangthona tawh kizui-in hong dinkik hi.

Late 143:8

Nangmah hong muang ka hih manin na itna kip zingsangin kei hong zasak in. Nangma tungah thu hong ngen ka hih manin, ka pai nading lampi hong hilh in.

Late 15:4

a mit in ginalote thusim lo a, ahi zongin Topa a zahtakte a pahtawi mi; ama nat nading nangawn-ah a ciampel lo mi,

Mangmuhna 21:27

A kihhuainate-a kipan muhdahhuai, thuman lo nate a bawl mi khat beek tum thei ngei lo ding hi. Tuuno’ nuntakna laibu sungah a kigelh mite bek in tum theihna thu a ngah ding uh hi.

Jeremiah 4:14

Jerusalem khua aw, nang hong kihotkhiat nadingin, na lungsim sung panin gitlohna sawpkhia in. Na sungah gitlohna lungsim bang tan vei kem cip ding na hi hiam?

Malakhi 3:5

Vanglianpen Topa in hih bangin ci hi: “Note tungah thukhen dingin ka hong pai ding a, ai tawite, numei tawh mawhte, a man lopi-a teci pangte, nasemte’ thaman piakna ah khemna a zangte, meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ lang khatah thakhatin teci pangin thu ka khen ding hi.

Ezekiel 18:6

Amah in Israel mite’ milim biakte biakpih lo a, milim biakna pia lo ding ci-in a kikhamna mun-a milim biakna sate zong ne lo hi. Midangte’ zi zong luppih dingin zol lo a, numei in nin a neih lai takin zong luppih lo hi.

Paunak 20:9

“Ka lungsim siangtho hi; mawhna ka nei het kei hi,” a ci thei ding kua om hiam?

Late 25:1

Topa aw, nangma tungah ka lungsim kong laamto hi.

JOB (Job) 9:30

Satpiang tawh kei kisilin, vuttui tawh ka khutte sawp ta leng zong,

Thu-hilhkikna 4:19

Note in na mit uh tawh vantung lam en to-in, ni leh kha leh aksite, vantung na khempeuh na muh uh ciangin, vantung nuai khempeuh a, mite tungah Topa na Pasian un a piak nate lamah kihei-in tuate bia-in a na na sep khak ding uh kidawm un.

Sawltak 14:15

“Mite aw, bang hangin hih bangin bawl na hi uh hiam? Komau in note tawh kibang lungsim nei mite ka hi uh a, hih a mawkna paaikhia-in van leh lei, tui lianpi akipan leh a sungah a om teng a piangsak a nungta Pasian kiangah na kihei nadingun Lungdamna Thu kong hilh uh hi.

Piancilna 6:5

Leitungah mihing’ gitlohna a liatna leh mihing' lungsim ngaihsutna peuhmah a sia a hih ngitngetna thu Topa in mu hi.

Ezekiel 18:15

Israel mite’ milim biakte biakpih lo a, a kikhamna mun-a biakna-a a kipia biakna sa zong ne lo hi. Midangte’ zi zong zol lo, luppih lo hi.

Jeremiah 5:2

“Topa a nuntak bangin,” ci-in a kiciam uh hangin a zuaupi uh ahi hi.

Late 51:12

Na hotkhiatna hangin lungdamna kei hong ngahsak kik in la, utna lungsim tawh kei hong huh in.