Late 24:2 - Tedim Bible

² bang hang hiam cih leh amah in tuipite tungah a bul phut a, gunte tungah kipsak hi.

Tedim Bible Revision 2017

² Bang hang hiam cih leh amah in tuipite sungah a bul phut a, tui tungah a kipsak hi.

Late 24:2 Referans Kwoze

Jeremiah 5:22

Kei hong kihta lo na hi uh hiam? Topa in kong ci hi. Ka mai-ah liing lo na hi uh hiam? Tuipi mongah sehnel keima’ koih hi-a, tui ka dal sak tawntung hi. Tuihualte in a lawhlawh hangin zozo lo uh a, a gin’ zuazua uh hangin kantan zo tuan lo uh hi.

Late 136:6

tuite tungah leitung a zalpa tungah, bang hang hiam cih leh ama itna kip kho tawntung hi;

Late 96:10

Minamte lakah, “Topa in uk hi! Hi hi, leitung kikipsak a, liing ngei lo ding hi; amah in mihingte’ thu a manin khen ding hi,” ci un.

JOB (Job) 38:4

“Leitung ka bawl lai takin nang om na hi hiam? Thei kisa na hih leh tua thu hong gen in.

Late 33:6

Topa’ kampauna tawh vantung piang a, ama kam pan-a husan’na tawh vantung nate a piang hi.

Piancilna 8:22

Leitung a om lai tengin, lo pawi hun leh anlak hun, a vot leh a sa, khuakhal leh phalbi, sun leh zan bei lo ding hi,” ci hi.

Late 95:4

Amah in leitung khempeuh uk a, guam thukpen panin mual sangpen dawn dongin amah in uk hi.

Late 93:1

Topa maang hi; liatna tawh kumpipuan kisilhsak hi; Topa, kumpipuan kisilhsak a, thahatna tawh kidim hi. Hi hi, leitung kikip sak a, kiling ngei lo ding hi;

Late 89:12

Saklam leh khanglamte nangma bawlsa hi a, Tabor mual leh Hermon mual in lungdamna tawh na min hong phat uh hi.