Late 24:1 - Tedim Bible

¹ Leitang leh a tunga omte, leitung leh a tunga teengte in Topa aa hi;

Tedim Bible Revision 2017

¹ Leitung le a tunga omte, leitung le a tunga teengte Topa-aʼ ahi hi.

Late 24:1 Referans Kwoze

Late 89:11

Vantungte nangma’ aa hi a, leitung zong nangma’ aa ahi hi; leitung leh a sunga omte khempeuh nangma phuhsa ahi hi.

1 KORIN MASA 10:26

Bang hang hiam na cih uh leh, leitung leh leitung-ah a om khempeuh in Topa’ aa ahi hi.

1 KHANG TANGTHU MASATE 29:11

Topa aw, liatna, leh vangliatna, leh minthan’na, leh gualzawhna, leh min liatna in nangma’ aa ahi hi; bang hang hiam cih leh vantung leh leitungah a om khempeuh in nangma’ aa ahi hi; Topa aw, kumpigam in nangma’ aa hi a, tuate khempeuh tungah nang a lutangin hong kisangsak hi.

JOB (Job) 41:11

Leitunga om mihingte lakah, awle su-a a sihlawh lo kua om ahi hiam?

Thu-hilhkikna 10:14

En un, vantung leh vantung a sangpente leh leitung leh a sunga om khempeuh in Topa note’ Pasian’ aa ahi hi;

Paikhiatna 9:29

Moses in ama' kiangah, “Khuapi panin ka paikhiat khit phetin Topa’ lamah ka khut ka zan ding hi; leitung in Topa’ aa hi ci-in na theih nadingin vanging tawpin gialpi om nawn lo ding hi.

Paikhiatna 19:5

Tua ahih ciangin tu-in note in ka thu mang-in ka thuciamna na zuih uh leh mite khempeuh lak panin note in keima' neihsa na hi ding uh hi; bang hang hiam cih leh leitung khempeuh keima aa hi a,

Nahum 1:5

Ama mai-ah mualliante liing a, Mualneute tuisuak hi. Ama mai-ah leitang kicim a, leitung leh a tunga om khempeuh liing uh hi.

Late 50:12

Ka gil kial taleh zong, no kiangah kong gen kei ding hi; bang hang hiam cih leh leitung leh a sunga om khempeuh keima aa ahi hi.

Daniel 4:25

Mite sung panin hong kihawlkhia ding a, gamsate tawh na teeng khawm ding hi. Bawngtal bangin lopa na ne ding a, pua lamah lumin, kumsagih sung na tungah daitui a hong kia ding hi. Tua ciangin Sangpen Pasian in mihingte’ kumpigam uk a, a teel mi peuhpeuh kumpi a suaksak thei hi na ci ding hi.

Late 98:7

Tuipi leh a sunga omte khempeuh aw, awng un la, leitung leh a tunga teeng khempeuh aw, la sa un.

1 KHANG TANGTHU MASATE 29:16

Topa kote’ Pasian aw, na min siangtho pahtawi nadingin nang ading inn lam nadingin ka piaksa uh hih a tampite in nangma khut sung panin hong pai hi a, a vekpi-in nangma aa mah ahi hi.

2 KHANG TANGTHU NIHNATE 25:9

Tua ciangin Amaziah in Pasian’ mipa kiangah, “Ahi ta zongin Israel galkapte tungah ka piaksa talen zakhat thu bang cih ding i hi hiam?” a ci hi. Pasian’ mipa in dawngin, “Topa in hih sangin nakpi takin a tamzaw hong pia thei hi,” a ci hi.

JOB (Job) 34:13

Pasian in a vangliatna mi khatpeuh tung pan ngah ahi hiam? Leitung khempeuh a uk dingin mi khatpeuh in a koih ahi hiam?

JOB (Job) 41:3

Amah in na khah ding hong thuum ding a, na hehpih ding hong ngen ding ahi hiam?

Late 50:10

Bang hang hiam cih leh gamlak ganhingte khempeuh, mual tul tampite’ tunga ganhingte keima-a’ ahi hi.

Late 89:12

Saklam leh khanglamte nangma bawlsa hi a, Tabor mual leh Hermon mual in lungdamna tawh na min hong phat uh hi.

Micah 4:13

Topa in hih bangin ci hi: Jerusalem khuamite aw, kipan un la, na galte uh sugawp un. Sumngo khe leh sik ki a nei bawngtal bangin note kong thahatsak ding hi. Minam tampite’ na sugawp zo ding uh a, amau’ neihsa teng keima aa na suaksak ding uh a, amau’ hauhna teng, leitung khempeuhte’ Topa’ neihsa na suaksak ding uh hi.