Late 23:5 - Tedim Bible

⁵ Ka galte omna mai-ah kei’ ading an nong lui hi; ka lu sathau nong nilh a, ka hai a dimlet hi.

Tedim Bible Revision 2017

⁵ Keima galteʼ muhna munah an nong lui hi. Thupi takin nong pahtawi a, keima hai zong dim let ta hi.

Late 23:5 Referans Kwoze

Efesa 3:20

Eite tungah hong bawl vangliatna mah bangin, i nget i ngaihsut sangin ahih thei zaw Pasian tungah pawlpi sungah ahi zongin, Zeisu Khazih sungah ahi zongin khan tawntungin minthan’na om tawntung ta hen! Amen.

Late 92:10

Ahih hangin nangmah in zangsial bangin kei nong hatsak a, kei tungah thupha hong pia-in nong lungdam sak hi.

Late 45:7

thumanna deihin gitlohna na mudah hi. Tua ahih ciangin Pasian ahi, nangma Pasian in, na gualpihte tungah kikhaito-in lungdamna sathau tawh nang hong nilh zo a,

Late 16:5

Topa pen keima luah dinga ka teelsa leh keima hai, na hi hi; keima ngah ding nangmah in na kem hi.

JOB (Job) 36:16

Pasian in lungkhamna panin nang hong pai khiatpihin, lungnuam takin nang hong om sak a, na sabuai tungah anlim nono kilui venvan hi.

1 JOHAN MASA 2:20

Note in Siangtho Pa’ Kha Siangtho sathau nilhsa na hi uh a, na khempeuh na thei uh hi.

1 JOHAN MASA 2:27

Note na hih uh leh, ama khut pan na ngah uh Kha Siangtho sathau nilhna in note sungah kipin a om a, kuamah in note thu hong hilh ding na kisam kei uh hi. Ama’ Kha Siangtho sathau nilhna in note na khempeuh hong hilh a, tua Kha Siangtho sathau nilhna in thuman thutak hi a, thuzuau hi lo ahih ciangin note hong hilh mah bangin ama sungah kipin na om un.

2 KORIN NIHNA 1:21

Note tawh kote, Khazih sungah a hong kipsak, hong pahtawipa in Pasian ahi hi.

1 KORIN MASA 10:16

Eite in hehpihna i phatna thupha’ hai in Khazih’ si tawh kizopna hilo ahi hiam? Eite balnen khomun in Khazih’ pumpi tawh kizopna hilo ahi hiam?

Johan 16:22

Tua ahih ciangin tu-in na dah uh hangin a nung ciangin keimah in note kong mukik ding a, no na lungdam ding uh hi. Note lungdamna kuamah in hong sut zo kei ding hi.

Late 104:15

mihing lungsim a nuamsak ding leenggahzu, a maitang a zolsak ding sathau, mihing lungsim a hatsak ding an na piangsak hi.

Isaiah 25:6

Vanglianpen Topa in hih mual tungah mi khempeuh adingin anlim nekna pawi, a ciil mahmah leenggahzu nekna pawi, guhngek tawh a kidim an nekna, a siangtho leenggahzuciil nekna pawi bawl ding hi.

Late 116:13

Topa in kei hong hotkhiat ka lungdamna hangin, ama kiangah tuiphih biakna ka paipih ding hi.

Late 22:26

Gimna thuakte in kham takin ne ding uh a, amah a zongte in Topa phat ding uh hi. A lungsim uh nuam tawntung ta hen!

Late 78:19

Amaute in Pasian gensia uh a, “Pasian in gamlakah sabuai phah thei ding ahi hiam?

Luka 7:46

Ka lu sathau nong nilhsak kei hi. Amah in ahih leh, ka khe paknamtui tawh hong nilhsak hi.

Amos 6:6

Leenggahzu, hai lianpi pi-in na dawn uh a, sathau hoih pente tawh na kizut uh hi. Ahi zongin Josef minamte’ siatna hangin, them khat zong na dah het kei uh hi.

Late 22:29

Hi hi, leitung kiphatsakna khempeuh ama mai-ah kunsuk ding hi; leivui-a paisuk khempeuh leh a kikem tawm thei lote ama mai-ah kun ding uh hi.

Mattiu 6:17

Nomau in an na tan’ uh ciangin na an tan’na uh mi mai-ah kilang loin, a kilang lona-ah a om na Pa uh mai-ah a kilat nadingin na sam sathau nilh un la, na mai uh phiat un.

Late 92:11

Ka galte’ pukna ka mitte in mu khin a, keimah hong do a gilote’ siatna ka bilte in za khin ta hi.