Late 23:4 - Tedim Bible

⁴ Sihna lim guam sung nangawn ka nawk hangin, siatna ka kihta kei hi. Bang hang hiam cih leh kei tawh nang nong omkhawm hi. Na molhtum leh na ciangkhut in kei hong lungmuang sak hi.

Tedim Bible Revision 2017

⁴ Topa aw, kei hong ompih na hih manin khuamial thukpi ka nawk hangin ka lau kei hi. Na molhtum le na ciangkhut in kei hong hu hi.

Late 23:4 Referans Kwoze

Isaiah 41:10

nang tawh hong om ka hih manin lau kei in, na Pasian ka hih manin lungkia kei in; nang hong thakhauh sakin kong huh ding a, nang hong hu-in ka dikna khut taklam tawh kong honkhia ding hi.

Late 118:6

Topa in kei hong ompih hi; bangmah ka kihta kei ding hi. Mi in kei bang hong cih zo ding ahi hiam?

Late 138:7

Haksatna tuamtuamte ka thuak ciangin kei nong kem hi; a heh ka galte, kei’ tangin nong dosak a, na thahatna tawh kei nong honkhia hi.

Late 3:6

Keimah hong galbawl, hong umcih mi tulsawm tampite ka kihta kei hi.

Luka 1:79

A tung panin ni suakin eite kiangah hong tang ding hi,” ci-in a gen hi.

Micah 7:14

Topa aw, nangma tuu ahi na mite na ciangkhut tawh hong cing in. Gamnuam lei hoihna sungah amau guakin om uh hi. Taanglai huna mah bangin, Bashan leh Gileah gam nuamah tasak in.

Late 46:11

Mi honte’ Topa in ei tawh omkhawm a, Jakob' Pasian in eima belh ahi hi.

Mattiu 28:20

Keimah in note kong piak thukham khempeuh a tan’ dingun na hilh ta un. Keimah in leitung a bei dongin note tawh ka omkhawm tawntung ding hi,” ci-in a vaikhak hi.

Mattiu 1:23

“En un, nungak khat gai ding a, Tapa a nei ding hi. Tua a tapa a min Emmanuel kici ding hi,” a ci hi. Emmanuel a khiatna in ‘Eite tawh Pasian hong omkhawm hi’ a cihnopna hi.

2 TIMOTI NIHNA 4:22

Topa in na kha tawh omkhawm ta hen. Nangma tungah hehpihna thupha om ta hen.

Jeremiah 2:6

Amaute in, ‘Izipt gam panin eite hong paikhiatpih-a sehnel lak leh dum lak, leikeu lak leh a lauhuai khuamial bekbak lak, kuama’ pai ngei lohna mun, kuama’ teen’ lohna gamlak-ah a hong makaih Topa koi-ah a om hiam?’ ci beek lo uh hi.

Late 14:5

Amaute pen launa lianpi sungah om ding uh hi, bang hang hiam cih leh midikte tawh Pasian omkhawm hi.

JOB (Job) 3:5

Khua niim leh khuamial in khuhcip hen. Tua ni-in meiipi zing hen la, tua ni awk in valh tum hen.

Zekhariah 11:10

Tua ciangin Hehpihna a kici ciangkhut la-in ka kuaitan a, minam khempeuh tawh ka bawl thuciamna ka phiat hi.

Late 110:2

Topa in Zion panin na kumpi ciangkhut hong puak hi. Na galte’ lakah uk in!

JOB (Job) 24:17

Bang hang hiam cih leh zan khuamial pen amaute khempeuh’ adingin zing khuavak bang hi a, zan khuamial lauhuai sung nuamsa uh hi.

Zekhariah 8:23

Tua hun ciangin minam tuamtuamte sung panin mi sawm, Judah mi khat kiangah hong pai-in, ‘Pasian in note hong ompihna thu za ka hih manun na nung hong zuisak in,’ ci-in thuum ding uh hi,” a ci hi.

Zekhariah 11:14

Tua ciangin Kipawlna a kici ciangkhut la-in ka kuaitan leuleu a, Judah leh Israel a kipawlna kiphiat hi.