Late 23:3 - Tedim Bible

³ Ka nuntakna tha hong dimsak a, ama min’ adingin thuman lampi-ah kei hong kha hi.

Tedim Bible Revision 2017

³ Thahatna thak kei hong guan hi. A hong ciam sa mah bangin ah lampi man ah kei hong kha hi.

Late 23:3 Referans Kwoze

Isaiah 42:16

Amau’ theih loh lampi ah mittawte ka paipih ding a, amau’ theih ngei loh sul zuihpih-in ka kha ding hi. Amau’ mai-ah khuamial pen khuavak suaksakin, a phokna munte a tam-in ka bawl ding hi. Hihte pen keima hih ding nate hi a, tuate sem loin ka nusia kei ding hi.

Late 31:3

Hi hi, nang in ka suangpi leh ka munkip muan’huai na hi hi; nangma min ngaihsutna tawh kei hong kha-in lam hong lak in la,

Late 19:7

Topa’ thu kicing a, nuntakna thaksuak sak hi; Topa’ teci pan’na pen hi takpi a, mipil lote pil sak hi;

Late 51:10

Pasian aw, ka sungah lungsim siangtho hong piangsak in la, a thak, a man, ngaihsutna ka sungah hong guan in.

Late 5:8

Topa aw, ka galte’ hangin na thumanna tawh hong makaih in la, ka mai-ah na lampi tangsak in.

Late 51:12

Na hotkhiatna hangin lungdamna kei hong ngahsak kik in la, utna lungsim tawh kei hong huh in.

JOB (Job) 33:30

sih nading panin honkhia kikin, nuntakna nuam pia kik hi.

Paunak 8:20

Keimah in thuman lampi ka zui a, thutang lampi ka tawn hi.

Mangmuhna 3:19

Ka it khempeuhte a mawhna uh lakin ka hilh thei hi. Tua ahih ciangin lungsim citak-in kisikkik in.

Late 79:9

Kote’ kihotkhiatna Pasian aw, nangma min a than’ nadingin kote hong huh in la, nangma min hangin kote hong khahkhia-in ka mawhna uh hong maisak in!

Late 85:13

Thumanna in Topa’ mai-ah mapai ding a, ama lampi bawlkhol ding hi.

Paunak 4:11

Na pil nading lampi kong hilh zo a, na gamtat nading zia kong gen zo hi.

Late 119:176

A gammang tuu bangin lam ka pial khin hi; tua ahih manin na nasempa hong zong in. Bang hang hiam cih leh nangma thupiaknate ka pelh kei hi.

Ezekiel 20:14

Ahi zongin Izipt gam panin amaute ka pai khiatpihna minam dangte in hong mu khin ahih manin tua bangin gamta leng, keimah mindai nading mah hi zel ahih manin amaute bangmah ka cih kei hi.

Jeremiah 31:8

En un, keimah in leilu lam gam panin amaute ka la ding a, leitung a gamla pen mun panin ka kaikhawm ding hi. Mittawte leh khelbaite zong hong kihel ding uh a, nupi gaite leh nau suak ding numeite-a kipan mi honpi hih lai munah hong ciahkik ding uh hi.

Efesa 1:6

Zeisu Khazih hangin ama tapa-za i ngah nadingin hong deih hong hehpihna hangin, amahmah adingin amasa-ah hong koih khol hi.

Late 34:3

Kei tawh Topa nak phat un, ama min pahtawi khawm ni!

Late 31:4

keima belhpa na hih manin kei hong kisiahna ngenthang kisel panin hong la khia in.

Late 106:8

Ahi zongin amah in, a lian mahmah ama vangliatna a kitheihsak nadingin, ama min a ngaihsutna-in amaute honkhia hi.

Late 109:21

Ahih hangin Pasian ka Topa aw, na min na ngaihsutna tawh keima taangin hong pang in la, na itna kip hoih ahih manin kei hong honkhia in!

Jeremiah 31:25

Bang hang hiam cih leh a gim mite ka tawldam sak ding a, gil kial a, a tha zawm mite khempeuh an ka vak kham ding hi,” a ci hi.