Late 23:1 - Tedim Bible

¹ Topa in tuu cin’ bang-a kei hong cingpa hi a, bangmah ka kisam kei ding hi.

Tedim Bible Revision 2017

¹ Topa pen tuucin bangin hong cing hi a, kisapna teng kicing ta hi.

Late 23:1 Referans Kwoze

Filippi 4:19

Ka Pasian in ama vangliatna tawh kipawl hauhna a om mah bangin, note kisapna khempeuh Khazih Zeisu sungah hong kicingsak ding hi.

Johan 10:11

Keimah in migi tuucing ka hi hi. Migi tuucing in a tuute tang dingin a nuntakna a paai hi.

Isaiah 40:11

Amah in tuucingpa bangin a tuuhonte an vak ding a, amah in a tuunote a khut sungah kaikhawmin, amah in tuate a ang sungah pua ding a, no ngeek a neite pen dam takin paipih ding hi.

Johan 10:14

Migi tuucing ka hi hi. Pa in kei hong thei-a kei in Pa ka theih bangin,

Mangmuhna 7:17

Bang hang hiam na cih uh leh, tokhom laizangah a om Tuuno in amaute’ tuucing suak a, amaute nuntakna ciktui omna-ah lam a hilh ding hi. Pasian in zong amaute mittang pan khitui khempeuh a nul siang ding hi,” ci-in hong gen hi.

Mattiu 6:33

Pasian’ Gam leh ama dikna zong masa un. Na zon’ uh leh, tua na khempeuh a hong pia thuah ding hi.

1 PETER MASA 2:25

Nidang lai-inah note in tuute bangin lam na khialh uh hangin tu-in ahih leh, note kha uh hong Ukpa leh Tuucingpa kiangah na tungkik zo uh hi.

1 PETER MASA 5:4

Tua bang ahih leh, Tuucing Ukpa hong kilat ciangin note in, a vul thei lo vangliatna lukhu na ngah ding uh hi.

Late 84:11

Bang hang hiam cih leh Topa Pasian in eite hong hupa leh a minthang i Kumpi hi a, maipha leh pahtawina hong pia hi. Thuman-a gamtate tungah Topa in na hoih bangmah siit lo hi.

ROM (Romans) 8:32

Ama Tapa khat bek haza lo a, eite khempeuh ading a piapa in man ngen loin nate khempeuh ama Ta tawh hong pia khawm loin a om ding hiam?

Hebru 13:20

A tawntung kiciamna sisan hangin Tuucing lianpa ahi, i Topa Zeisu sihna pan a thokiksak nopna Pasian in,

Micah 5:4

Amah in Topa’ thahatna tawh a tuute uk ding a, Topa ama Pasian’ min vangliatna tawh uk ding hi. Leitung mi khempeuh in ama liatna phawk ding uh ahih manin, ama mite lungmuang takin om thei ding uh hi.

Late 78:52

Tua ciangin amah in tuu bangin ama mite paikhiatpih a, gam lakah ganhon bangin amaute lam lak hi.

Jeremiah 31:10

“Aw, gamdangte aw, Topa’ kammal ngai un la, gamla pi, tuipi gei-a omte kiangah va gen sawn un. ‘Israel mite a kithehthangsak pa in a kaikhawm kik ding a, tuucingpa in a tuute a cin’ bangin a cing ding hi,’ va ci un.

Late 79:13

Tua ciangin, nangma mi, nangma gamsung tuu ahi kote in, na tungah lungdamna kong lak ngitnget ding uh a, a khang a khangin nangmah phatnate ka gengen ding uh hi.

Micah 5:2

Bethlehem Efrathah khua aw, nang in Judah gamah khuaneupen khat na hi a, ahi zongin nang’ sung panin Israel a uk ding khat ka piangsak ding hi. Ama gui in nidang lai, taangtawng pek tawh kizom hi.

Late 34:11

Tate aw, hong pai un la, hong ngai un. Topa zahtakna kong hilh ding hi.

Ezekiel 34:14

Lungmuang takin Israel mual tung lonona leh guam sung mun nuamte leh Isreal gam lonona mun khempeuh ah ka gamta sak ding hi.