Late 22:7 - Tedim Bible

⁷ Hong mu khempeuh in kei hong zahko-in, hong mukpik san uh a, a lu hong peisan uh hi.

Tedim Bible Revision 2017

⁷ Hong mu mi khempeuh in kei hong zahko-in, hong mukpik san uh a, a lu uh hong pei san hi.

Late 22:7 Referans Kwoze

Marka 15:29

Lampi-ah a pai mite in, “Hei, biakna innpi susia-a nithum sunga a lam kik dingpa aw,

Late 109:25

Kei, amaute’ nuihsatin ka om a, amaute in kei hong muh ciangun hong lupeisan uh hi.

Luka 23:11

Herod in a galkapte tawh Zeisu simmawhin a zahko uh a, puan hoih a silhsak khit uh ciangin, Pilat kiangah a paisak kik uh hi.

Marka 15:20

Tua bangin Zeisu a khelbawl khit uh ciangin, puansan suahkhia uh a, ama puan a silhsak khit uh ciangin, singlamteh tungah thah dingin a paipih uh hi.

Mattiu 27:29

Tua ciangin ling tawh kigan lukhu a khusak uh a, pumpeeng khat a tak lamah a tawisak khit uh ciangin, ama maiah khukdin’in, “Judah kumpipa aw, nang na ci dam ta hen!” ci-in a zahko uh hi.

Late 44:14

Minamdangte lakah a sia lam-a gentehna, mite lakah ciamnuih-a neih-in kote nong bawl khin hi.

Luka 16:14

Dangka a deihgawh Farisaite in hih thu khempeuh a zak uh ciangin Zeisu a zahko uh hi.

Mattiu 9:24

“Taikhia un. Numeino a si hi lo hi, a ihmu hi,” a cih leh, tua mite in zahpihin a nuihsan uh hi.

Isaiah 57:4

Note in kua mawlpih gawpgawp na hi uh hiam? Kua’ tungah na kam uh ka beba-in na leii uh phen na hi uh hiam? Tawsaw kung lak, singkung hing khempeuh nuai-ah pasian biakna-in nu-le-pa mawhna a bawl, kuam sung, suanghawm nuaite-ah a tate uh a that note pen, khialhna’ tate, zuauna’ tu-le-tate hilo na hi uh hiam?

Isaiah 53:3

Amah pen mite in simmawhin nusia hi; gimna leh natna a thuak mi ahi hi; mite in en nuam loin a mai uh a humsan mipa bangin amah kisimmawh a, eite in amah i thusim kei hi.

Late 31:18

Thumante lang pang a, kihihsak pau in, kiphatsakna leh simmawhna tawh kam a pau, zuauthu gen mukte pau thei lo sak in.

JOB (Job) 16:10

Mite in kei hong zahko uh a, ka paang a beng dingin hong kikhawmtuah uh hi.

JOB (Job) 16:4

Note leh kei kikheek thei hi lehang, note’ gen khempeuh kei zong ka gen thei ding hi. Note ka lu hong pei sanin, thu tampi tak mah kong gen thei ding hi.

JOB (Job) 12:4

Ka lawmte nangawn in tu-in kei hong nuihsan uh a, kei dikin paubaang lo napi hong nuihsan uh hi; ahi zongin Pasian in ka thungetna hong piak hun om hi.

Isaiah 49:7

Israel a Tankhia-pa leh ama Siangtho Pa ahi Topa in, nakpi takin simmawhna a thuak, minamte in a muhdah, gam ukte’ nasempa tungah: “Nangmah hong teel, Israelte’ Siangtho Pa, a thuman Topa’ hangin, mite na hotkhiatna thu kumpite in a muh ciangun zahtakna tawh na mai-ah hong ding ding uh a, na mai-ah uliante, hong kun ding uh hi,” hong ci hi.