Late 22:6 - Tedim Bible

⁶ Ahih hangin keimah in lungno khat bang ka hi lel a, mi ka hi kei hi; mite’ ko, mite’ simmawh ka hi hi.

Tedim Bible Revision 2017

⁶ Ahih hangin kei pen lungno khat bang lel ka hi a, mi ka bang kei hi. Miteʼ ko gawpgawp, miteʼ simmawh ka hi hi.

Late 22:6 Referans Kwoze

Isaiah 53:3

Amah pen mite in simmawhin nusia hi; gimna leh natna a thuak mi ahi hi; mite in en nuam loin a mai uh a humsan mipa bangin amah kisimmawh a, eite in amah i thusim kei hi.

JOB (Job) 25:6

Tua ahih leh, lungno, ganhing no ahi lel mihing pen bangci ding hiam? Mihing in Pasian’ muhna-ah bang man lel ahi hiam?” a ci hi.

Isaiah 49:7

Israel a Tankhia-pa leh ama Siangtho Pa ahi Topa in, nakpi takin simmawhna a thuak, minamte in a muhdah, gam ukte’ nasempa tungah: “Nangmah hong teel, Israelte’ Siangtho Pa, a thuman Topa’ hangin, mite na hotkhiatna thu kumpite in a muh ciangun zahtakna tawh na mai-ah hong ding ding uh a, na mai-ah uliante, hong kun ding uh hi,” hong ci hi.

Isaiah 41:14

Lungno bang ahi lel Jakob, Israel mite aw, lau kei un! Note kong huh ding hi, Topa in ci hi; note hong Tanpa in Israelte’ Siangtho Pa ahi hi.

Hebru 13:12

Tua mah bangin Zeisu in ama sisan tawh mite a siangthosak nadingin khuapi kongkhak pua lamah sihna a thuak hi.

Mattiu 11:19

Mihing Tapa in an ne, tui dawnin hong pai a, amaute in, ‘Hih pa in an hai, zu haipa hi. Siahdongte leh mi gilote tawh zawlin a kiman hi,’ a ci uh hi. Ahih hangin lungpilna in a tate tung panin diksakna a ngah hi,” a ci hi.

Late 31:11

Ka langte khempeuh’ nuihsat hi-in, ka vengte tungah cikzet-huai ka hi a, ka meltheihte’ gimneih ka hi hi; konglak-a hong mute in kei hong pelin hong taisan uh hi.

Mangmuhna 15:3

Tua mite in Pasian’ sila Moses’ la leh Tuuno’ la sa-in: “Vanglianpen Topa Pasian aw, Na bawlnate lianin, a lamdang mahmah hi! Mipawl khempeuhte’ Kumpipa aw, Na gamtatnate in a dikin, a man hi!

Johan 7:15

Tua ahih ciangin Judah mite in, “Hih mi in laisim ngei lo napi-in bangci lai a thei hiam?” ci-in lamdang a sa uh hi.

Kah la 3:30

Guallel-in bawlsiatna thuak taleng tua banga om lel ding ahi hi.

Johan 8:48

Judah mite in, “Nang Samaria mi na hi a, dawilawm nei na hi kong cihna uh man hilo ahi hiam?” a ci kik uh hi.

Johan 7:20

Mihonpite in, “Nang dawilawm nei na hi hi. Nang thah dingin kua in hong zong ahi hiam?” a ci uh hi.

Mattiu 12:24

Farisaite in a zak uh ciangin, “Hih pa in Beelzebub suangin dawite a hawlkhia hi,” a ci uh hi.

Late 88:8

Ka kikholhpihte in kei hong pelh dingin nong bawl khin a, amaute tungah a cikziat huai khatin kei nong bawl hi. Ka suahtak khiat theih loh nadingin kei hong kikhumcip hi;

Late 31:1

Topa aw, nang kong bel hi; hong maizumsak ngei kei in la, na thumanna tawh kei hong honkhia in!

2 KHANG TANGTHU NIHNATE 14:11

Tua ciangin Topa’ Pasian tungah Asa kiko a, “Topa aw, a thahat leh a zawngkhal kikalah a huh dingin nang tawh a kibang kuamah om lo hi. Kote hong huh in, Topa kote’ Pasian aw, bang hang hiam cih leh nang kong suang uh a, nangma minin hih mihonpi do dingin kong pai uh hi. Topa aw, nangmah in kote’ Pasian na hi hi; mite kizosak kei in,” a ci hi.

Late 25:3

Hi hi, nang hong ngakte kuamah zahhuaisak kei in; thu khual lo-a zuau theite zahhuaisak in.

Late 41:5

Ka galte in elna tawh keima thu gen uh a: “Cik ciangin amah a si tam, cik ciangin ama min a mang tam?” ci uh hi.