Late 22:5 - Tedim Bible

⁵ Nang tungah amaute in hong ko uh a, amaute kihonkhia hi; nangmah hong muang uh a, guaksuak lo uh hi.

Tedim Bible Revision 2017

⁵ Nangma tungah amaute in hong ko uh a, amaute kihon hi. Nangmah hong muang uh a, guaksuak lo uh hi.

Late 22:5 Referans Kwoze

ROM (Romans) 10:11

“Amah a um mi peuhmah in zumna a thuak kei ding hi,” ci-in Lai Siangtho sungah a kigelh hi.

Isaiah 49:23

Kumpite pen nang hong kem pate hi ding a, kumpinute pen nang hong khoi na nute hi ding hi. Amaute in a maitang uh lei lak ngatin nang kiangah hong kun ding uh a, na khe-a leivuite liak ding uh hi. Tua ciangin keimah in Topa ka hihna na thei ding hi; kei sungah a lamente maizum lo ding hi,” a ci hi.

ROM (Romans) 9:33

A kigelhna in: “Ngai un, sui-a kipuk khak na’ng suangpi leh mawhsak na’ng suangpi Zion mual tungah ka koih hi. Tua suangpi a um mi in zumna a thuak kei ding hi,” ahi hi.

1 PETER MASA 2:6

Bang hang hiam na cih uh leh: “A kiteel a manpha inn kiu khuam bul suangpi, Zion mual tungah ka koih hi. Tua suangpi a beel mi in, Zumna a thuak kei ding hi,” ci-in Lai Siangtho sungah a kigen hi.

Isaiah 45:17

Ahih hangin Israel pen Topa in tawntung hotkhiatna tawh honkhia hi; nang in cikmah hunin maizumna na thuak kei ding hi.

Late 106:44

Tua bang ahi ta zongin, amah in amaute’ kikona a zak ciangin, amaute’ cihmawhna a don hi.

Late 71:1

Topa aw, nangmah kong bel hi; keimah hong zahhuaisak ngei kei in!

Late 31:1

Topa aw, nang kong bel hi; hong maizumsak ngei kei in la, na thumanna tawh kei hong honkhia in!

Thukhente 6:6

Midiante hangin Israelte kiniam koih mahmah hi; Israel mite in Topa tungah huhna ngenin kiko uh hi.

Thukhente 4:3

Tua ciangin Israel mite huhna ngen dingin, Topa tungah kiko uh hi; bang hang hiam cih leh amah in sik leeng zakua nei a, Israel mite kum sawmnih sung nakpi takin nengniam hi.

1 KHANG TANGTHU MASATE 5:20

amaute a do dingin huhna a ngah uh ciangin Hagri mite leh amau tawh a pawl khempeuhte amaute’ khut sungah kipia hi; bang hang hiam cih leh gal kidona sungah amaute in Pasian’ tungah ko uh a, amaute in amah muang ahih manin amah in amaute’ thuumna pia hi.

Jeremiah 50:7

Amau a mute in na negawp uh hi. A galte un, ‘Ko bangmah khialhna ka nei kei uh hi. Bang hang hiam cih leh a pute a pate uh a muan’ leh a lametna uh ahi Topa’ tungah amaute a mawh uh hi,’ a ci uh hi.

Daniel 3:28

Tua ciangin kumpipa in “Shadrak,’ Meshak,’ Abednego’ Pasian phat un. Amah in a vantungmite sawl a, amah a muang ama nasem hih mite a honkhia hi. Amaute in ka thupiakna mang loin, amau’ Pasian longal pasian dang mai-ah kunin bia nuam lo uh ahih manin mei phualpi sunga khul ding a ut zaw uh hi,” a ci hi.