Late 22:21 - Tedim Bible

²¹ Humpinelkai kam panin keimah hong hon in la, gamsialte’ ki panin a cimawh keimah hong hon in.

Tedim Bible Revision 2017

²¹ Humpinelkai kam panin keimah hong hon inla, gamsialteʼ ki panin a cimawh keimah hong hon in.

Late 22:21 Referans Kwoze

2 TIMOTI NIHNA 4:17

Thuhilhna khempeuh ka hilh theih nading ahi zongin, Gentail mi khempeuh in a zak nadingun ahi zongin, Topa in kei lamah om a, keima tha hong dimsak a, humpinelkai’ kam sung pan hong honkhia hi.

1 PETER MASA 5:8

Kipin kikeem un. Kikepna tawh na ngak un. Bang hang hiam na cih uh leh, na gal uh ahi Dawimangpa in a hawk thei humpinelkai bangin kua mi ka ne ding hiam ci-in zong kawikawi-in a om hi.

Gamlak-vakna 23:22

Pasian in Izipt panin amaute paikhiatpih hi; amaute in gamsial tha bang hatna nei uh hi.

Sawltak 4:27

hih khua sungah Herod leh Pontias Pilat in Gentailte leh Israelte tawh nangmah na khut leh na ciamtehna in hong piang ding thu a piakkholh bangin,

Johan 14:30

Tu-a kipanin note kiangah thu tampi kong gen nawn kei ding hi. Bang hang hiam na cih uh leh, hih leitung ukpa hong pai a; ahih hangin kei tungah thu a nei kei ding hi.

Johan 8:59

Tua ahih ciangin amaute in Zeisu suang tawh deeng dingin suang tawm uh a, ahih hangin Zeisu bu-in biakna innpi sung pan a paikhia hi.

Isaiah 34:7

Gamsial talte amaute tawh tukkhawm ding a, bawngtalno gehsate leh bawngtal hatte tukkhawm ding hi. Amau gam pen sisan tawh kidiah ding a, amau’ leitang pen sathau in nipsak ding hi.

Thu-hilhkikna 33:17

A tacil bawngtal in minliatna nei a, a kite in gamsial kite ahi hi; amah in tuate tawh mite nawt ding a, lei mongdong ah amaute khempeuh phul ding hi; Efraim tul sawmte in tua bang hi a, Manasseh tul tampite in zong tua bang mah ahi hi,” a ci hi.

Luka 22:53

Keimah in ni simin biakna innpi sungah note tawh ka omkhop lai takin na hong man kei uh hi. Ahih hangin hih hun in note hun leh khuamial’ vangliatna hun ahi hi,” a ci hi.

Late 35:17

Topa aw, bang tanvei hong en khong ding na hi hiam? Amau hong sukgawpna panin keimah hong honkhia in la, humpinelkaite kiang panin ka nuntakna hong hon in.