Late 21:9 - Tedim Bible

⁹ Na kilat ciangin meiphual kuang bangin amaute na bawl ding hi. Topa in hehna tawh amaute nawmvalh ding a, mei in amaute kangtum ding hi.

Tedim Bible Revision 2017

⁹ Na kilat ciangin meiphual kuang bangin amaute na hih ding hi. Topa in hehna tawh amaute nawmvalh dinga, meikuang in amaute kaang tum ding hi.

Late 21:9 Referans Kwoze

Malakhi 4:1

Vanglianpen Topa in hih bangin ci hi: “En un, mi kiphasak khempeuh leh migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kangtum khin ding uh hi.

Late 50:3

Pasian hong pai hi, amah dai om lo hi, ama mai-ah mei husia om a, a kimkotah huihpi om hi.

Late 18:8

Ama nakvangte panin meikhu pusuak a, a kam panin mei husia pusuak hi; ama tung panin mei-am san kuangkhia hi.

Kah la 2:2

Topa in Judah gama khuate khempeuh hehpih loin a susia hi. Amah in a galdalna kulhpite khempeuh balzan gawpin a gam leh a gam ukte a maizumsak hi.

Nahum 1:6

Ama hehna kua in nang zo ding a, a lunghamna kua in thuak zo ding ahi hiam? A hehna meikuang bangin hong khahkhia a, ama mai-ah suangtumpi kitamzan hi.

Isaiah 26:11

Topa aw, na khut kisang lap a, na galte in mu lo uh hi. Amaute, maizumna thuak sak in la, amaute’ adingin na geelsa meite, amaute haltum sak in. Na mite ading na hanciamna thu, na galte tungah kilangsak in.

Late 2:5

Tua ciangin hehna tawh amau kiangah thu gen ding a, heh luatna tawh amaute linglawng sakin,

Thu-hilhkikna 32:22

Bang hang hiam cih leh ka hehna in mei tawh kuang a, Leinuai thukna mun dong kuang hi, leitung leh a tunga piangte kangtum a, mualte’ bulpite’ kuangsak hi.

Mangmuhna 20:14

Sihna leh Sihna Gam mei li sungah a kiasuk hi. Tua mei li in nihna sihna ahi hi.

Mangmuhna 19:15

Mipawl pawlte sat nading ama kam sungpan namsau a hiam a pusuak hi. Amaute zong sik ciangkhut tawh a uk ding hi. Vanglianpen Pasian’ hehna leenggahzu kicilna phual amah in a cil hi.

1 THESALONIKA MASA 2:16

Tua mite in amau mawhna a dimsak tawntung nadingun Gentailte in gupna sungah a tun’ nadingun kote thuhilh hong khaam uh hi. Amau tungah hehna a vekpi-in a tung zo hi!

Mattiu 25:46

Tua mite in tawntung gimna thuak dingin a paikhia ding uh hi. Miphate ahih uh leh, nuntak tawntungna ngah dingin a paikhia ding uh hi,” ci-in thu a hilh hi.

Mattiu 25:41

Tua ciangin, a veilamah a omte kiangah Kumpipa in, ‘Ciamsiatna a thuak mite aw, dawimangpa leh ama nungzuite ading a kibawl meikuang tawntung sungah kei kiang panin paikhia un.

Mattiu 22:7

Kumpipa in a zak ciangin, heh mahmah a, a galkapte kuan sakin tua mi thatte khempeuh thatin a khua uh mei-in a halsak hi.

Mattiu 13:50

Kahna leh ha gawina a om ding hi,” a ci hi.

Mattiu 13:42

meiphual sungah a khul ding uh hi. Kahna leh ha gawina a om ding hi.

Mattiu 3:12

A khut in lawhpi tawi a, ama buhphual zap siang ding a, a tak teng a sal sungah a koih ding hi. A site ahih leh, mit ngei lo mei in a hal ding hi,” ci-in Johan in a gen hi.

Mattiu 3:10

Tu-in zong sing phungah hei a om hi. A gah hoihte a gah lo kung khempeuh phuk paii-in mei sungah kikhul ding hi.

Late 106:17

lei kihongin Dathan valhtum a, Abiram’ pawlte vukcip hi.

JOB (Job) 6:3

Tuipi sehnel khempeuh sangin gikzaw ding ahih manin ka kampaute thakhauh mahmah hi.

Piancilna 19:28

amah in Sodom leh Gomorrah leh kuamte khempeuh lam nga sukin khuadak hi, en in, leitang khu pen meiphualpi khu bangin kahto hi.

Ezra 6:12

Hih ka thupiakna a siasak nuam, Jerusalem a, Pasian’ inn a susia nuam kumpi khatpeuh ahi a, mi khatpeuh ahi zongin a om leh, ama min om nading a, tua mun a bawl Pasian in tua mipa lawnthal ta hen. Keimah Darias in thu kong pia hi; ka thupiak bang tektekin sep ding ahi hi,” a ci hi.

Late 18:38

Amaute a thawhkik zawh loh nadingun ka sunlet a, ka khe nuai-ah puk uh hi.