Late 21:8 - Tedim Bible

⁸ Na khut in na galte khempeuh su ding a, na khut taklam in nang hong mudahte sugawp ding hi.

Tedim Bible Revision 2017

⁸ Na khut in na galte khempeuh su gawp dinga, na khut taklam in nang hong mudahte su gawp ding hi.

Late 21:8 Referans Kwoze

Isaiah 10:10

Jerusalem leh Samaria milimte sangin milim lianzaw a nei milim kumpi gamte ka khut in ban khin ahih ciangin,

Late 72:9

Ama galte a mai-ah kunsuk uh hen la, amah langpangte in leivui liak ta uh hen!

Mangmuhna 19:15

Mipawl pawlte sat nading ama kam sungpan namsau a hiam a pusuak hi. Amaute zong sik ciangkhut tawh a uk ding hi. Vanglianpen Pasian’ hehna leenggahzu kicilna phual amah in a cil hi.

1 KORIN MASA 15:25

Pasian in galte khempeuh ama khe nuai-ah a khiat khit dong matengin Khazih in a maang ding hi.

Luka 19:27

Tua tham loin kei uk ding a ut lo ka galte hong paipih un la, keima mai-ah na that un,’ ci-in thu a pia hi,” a ci hi.

Luka 19:14

A gam mite in amah mudah uh a, ‘Hih mi in eite kumpi dingin ka deih kei uh hi,’ ci-in ama kiangah mi a sawl uh hi.

Late 18:1

Ka thahatna ahi Topa aw, nang kong it hi.

Late 2:9

Siktawn khat tawh amaute na satkham ding a, beelseekpa’ beel den’khap bangin amaute lei-ah na dengzan ding hi,” hong ci hi.

2 SAMUEL NIHNA 7:1

Tu-in kumpipa ama inn sungah teengin Topa in a kim-a ama galte khempeuh panin tawlngakna a piak khit ciangin,

1 SAMUEL MASA 31:3

Gal in Saul nakpi takin neh a, thal tawite in amah mu hi; thal tawite in nakpi takin amah liamsak hi.

1 SAMUEL MASA 25:29

Nangmah delhin hong that dingin mite hong thawh leh, nangmah in Topa na Pasian kepna sung a hing mite lakah na om ding hi; amah in suang lotna kuang pan lotkhiat bangin na galte lawnkhia ding hi.

Late 16:8

Topa ka mai-ngat tawntung a, amah in ka taklam-ah om ahih manin ka kiling kei ding hi.

Late 109:20

Hih pen, keimah hong mawhsakte’ tung, kei hong gensiate’ tungah, Topa’ kiang pan-a thaman hi ta hen!