Late 21:6 - Tedim Bible

⁶ Hi hi, nangmah in a tawntungin thupha ngah pen dingin amah na bawl a, nangma ompihna lungdamna tawh amah na kipaksak hi.

Tedim Bible Revision 2017

⁶ Nangmah in a tawntungin thupha ngah pen dingin amah na bawl a, nangma ompihna hangin lungdamna tawh amah na kipaaksak hi.

Late 21:6 Referans Kwoze

Sawltak 2:28

Nangmah in nuntakna Lampi nong hilh zo a, Na meel mu-in lungdamna tawh Kei nong dimsak ding hi,’ a ci hi.

Late 45:7

thumanna deihin gitlohna na mudah hi. Tua ahih ciangin Pasian ahi, nangma Pasian in, na gualpihte tungah kikhaito-in lungdamna sathau tawh nang hong nilh zo a,

Late 16:11

Nangmah in nuntakna lampi keimah nong lak hi; nangma omna-ah lungdamna lian om a, na tak lam ah nop tawntungnate om hi.

Efesa 1:3

Eite in Pasian mai-ah itna sungah siangthoin, mawhna tawh kikhen nadingin leitung pian’ma-in eite Khazih sungah hong teel mah bangin, vantung tawh kipawl omna-ah thuphate khempeuh tawh Khazih hanga eite hong hehpih i Topa Zeisu Khazih’ Pa Pasian in thupha ngah ta hen.

Galati 3:9

Tua ahih ciangin thu-upna a nei mite in a um Abraham tawh thupha a ngah khawm uh hi.

Sawltak 3:26

Pasian in a Silapa hong thawhsak khit ciangin, note na vekpi un na khialhna uh pan hong kikheelsakin, note thupha hong pia dingin note kiangah hong paisak masa hi,” a ci hi.

Galati 3:14

Tua in Khazih Zeisu hangin Abraham’ thupha in Gentailte tungah a tun’ na’ng ahi zongin, eite in thu-upna hanga Kha Siangtho tawh kipawl thuciamna i ngah na’ng ahi hi.

Late 43:4

Tua ciangin Pasian biakna tau ahi zongin, ka lungdamna Pasian kiangah ahi zongin ka pia dinga, laiza khausai lasakna tawh nang kong phat ding hi, aw Pasian, ka Pasian aw.

1 KHANG TANGTHU MASATE 17:27

tua ahih ciangin tu-in nangma mai-ah a kizop tawntung theih nadingin na nasempa’ suan leh khakte thupha na piak ding nang hong lungkim ta in; bang hang hiam cih leh Topa aw, nangmah in thupha na piaksate a tawntungin thupha ngah ahi hi,” a ci hi.

Piancilna 12:2

Thupha a ngah dingin minam lian khatin nang hong bawlin, thupha hong pia-in, na min kong liansak ding a, nang in thupha na hi ding hi.

2 SAMUEL NIHNA 7:9

na paina peuhpeuhah nang tawh kong om a, na mai panin na galte khempeuh ka khaktan hi; leitung miliante’ min khat mah bangin nang adingin min lian khat kong bawlsak ding hi.