Late 21:5 - Tedim Bible

⁵ Nangma huhna hangin ama minthan’na lian a, hoihna leh minliatna ama tungah na pia hi.

Tedim Bible Revision 2017

⁵ Nangma huhna hangin ama minthanna lian a, hoihna le minliatna ama tungah na pia hi.

Late 21:5 Referans Kwoze

1 PETER MASA 3:22

Tua Topa vantungah kahto a, Pasian’ ziat lamah a tu hi. Vantungmite akipan, a ukte leh vangliatnate in ama nuai-ah kikoihin a om hi.

Hebru 8:1

Tu-a-kigensa thute a bulpi in tua bang siampi ukpa i nei a, Amah in vantung vanglianpi tokhom ziat lamah tu-in a om hi.

Johan 17:22

Eite in pumkhat i hih bangin, keimah in amaute sungah ka om a, nang keima sungah na om bangin, amaute pumkhat suak uh a, pumkhat a kicin’ nadingin nang in kei nong sawl a, keimah nong it bangin amaute na it cih leitung mite in a theih nadingun, nong piaksa minthan’na amaute kiangah ka pia zo hi.”

Johan 17:5

Pa aw, leitung a om ma-in nangma kiangah ka neihsa minthan’na tawh tu-in nangma kiangah kei hong minthangsak in.”

Johan 17:1

Zeisu in hih thute a gen khit ciangin vantung lam ento a, “Pa aw, ahun a tung zo hi. Tapa in nang hong minthan’sak nadingin, na Tapa hong minthangsak in.

Mattiu 28:18

Zeisu in amau kiangah va pai a, “Vantungah ahi zongin, leitungah ahi zongin, vangliatna khempeuh kei hong kipia zo hi.

Isaiah 63:1

Edom gam, Bozrah khua panin puan ausan silhin a hong pai, a puan silhna-ah minthan’na nei-in, ama thahatna tawh hong paipa kua ahi hiam? A honkhia zo dingin hatna a nei, gualzawhna thu a zasak dingin a hong paipa in Topa ahi keimah ka hi hi.

Late 110:1

Topa in ka to kumpipa tungah, “Na galte nangma khe ngakna-in ka bawl matengin ka taklam khutah tu in,” a ci hi.

Late 96:6

Pahtawina leh liatnate ama mai-ah om a, hatna leh hoihnate ama omna mun siangtho-ah a om hi.

Late 62:7

Keima suahtakna leh ka minphatna Pasian’ hang ahi hi; a muan’huai ka suangpi, ka bukna in Pasian ahi hi.

Late 8:5

Ahi zongin, Pasian sangin a neuzaw deuhin amah na bawl a, minthan’na leh pahtawina na guan hi.

Late 3:3

Ahih hangin, Topa aw, nangmah in ka kidalna lum, ka minthan’na leh ka lu hong phongpa na hi hi.

1 KHANG TANGTHU MASATE 17:27

tua ahih ciangin tu-in nangma mai-ah a kizop tawntung theih nadingin na nasempa’ suan leh khakte thupha na piak ding nang hong lungkim ta in; bang hang hiam cih leh Topa aw, nangmah in thupha na piaksate a tawntungin thupha ngah ahi hi,” a ci hi.

2 SAMUEL NIHNA 7:19

Hih in nangma mit-ah na neuno khat hi lai hi, Topa Pasian aw; a hong tung ding sau veipi sung na nasempa’ innsung thu ding zong na gen khin a, mai lam khangte zong kei nong lak khin hi, O Topa Pasian!

1 KUMPI MASATE 3:14

Na pa David in a tot bangin nangmah in ka lampite tawnin ka thukhamte leh ka thupiaknate na zuih leh na khan’ ka sausak ding hi,” a ci hi.

Late 61:7

Pasian’ mai-ah amah om ngitnget hen la, ama itna kip leh a thumanna in amah kem ta hen.

Late 133:3

Tua in, Zion mualte tunga a kia Hermon mual pan-a daitui tawh kibang hi. Bang hang hiam cih leh Topa in nuntak tawntungna thupha tua mun-ah a pia hi.