Late 21:10 - Tedim Bible

¹⁰ Leitung panin a suan a khakte, mi’ tate lak panin amau’ tate na susia ding hi.

Tedim Bible Revision 2017

¹⁰ Leitung panin a suan a khakte, miʼ tateʼ lak panin amauʼ tate na susia ding hi.

Late 21:10 Referans Kwoze

Late 37:28

Bang hang hiam cih leh Topa in thutang deih a, a mi siangthote nusia lo ding hi. Thuman mi kikemcing den ding a, ahi zongin migilo’ tate kipuaseh ding hi.

1 KUMPI MASATE 13:34

Hih in leitung maitang panin khen khia-in a susia zah dingin Jeroboam innkuan tungah khialhna a suak hi.

Late 109:13

Ama suan-le-khakte bei hen la, khang khat sungin ama min maimang ta hen!

JOB (Job) 20:28

Pasian’ hehna hangin, ama hauhna khempeuh kisusia ding hi.

Malakhi 4:1

Vanglianpen Topa in hih bangin ci hi: “En un, mi kiphasak khempeuh leh migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kangtum khin ding uh hi.

Isaiah 14:20

Nangmah in na gam susia-in, na mihingte that khin na hih manin, amaute tawh nangmah hong kivui khawm lo ding hi. “Siatna a bawlpa’ suan leh khakte’ min kilo ngei nawn kei ta hen!

2 SAMUEL NIHNA 23:7

amaute a lawng mipa in sik leh teipi bul tawh kithawi a, amaute mei tawh kihaltum siang hi,” a ci hi.