Late 20:9 - Tedim Bible

⁹ Topa aw, kumpipa tungah gualzawhna pia in la, kong sap ciangun hong dawng in.

Tedim Bible Revision 2017

⁹ Topa aw, kumpipa tungah gualzawhna pia inla, kong sap ciangun hong dawng in.

Late 20:9 Referans Kwoze

Late 5:2

Ka Kumpi leh ka Pasian aw, nangma tungah hong thum ka hih manin ka kikona aw hong ngai in.

Late 44:4

Nangmah in Jakob’ adingin gualzawhna a sehkhol, ka Kumpi leh ka Pasian na hi hi.

Mattiu 21:15

Nalamdangte a bawl leh, naupangnote in, “David’ Tapa tungah Hosanna!” ci-in biakna innpi sungah kiko uh siampi liante leh laitheite in a zak uh ciangin, a heh uh hi.

Late 74:12

Ahi zongin Pasian in tanglai pek-a kipan kumpi hi a, leitungah hotkhiatna a sem ka Kumpi ahi hi.

Mattiu 21:9

A mai pai, a nung a zui mihonpite in, “David’ Tapa tungah Hosanna! Pasian’ min tawh hong paipa in thupha ngah ta hen! Van a sangbelna-ah Hosanna!” ci-in a kiko uh hi.

Late 24:7

Minthang Kumpipa hong tum theih nadingin, khua kongpite aw, na lute uh sangsak un! Taanglai kong khakte aw, kilaamto un!

Late 17:6

Pasian aw, hong dawng ding na hih manin nang kong sam hi; na bil hong ngat in la ka thu hong za in.

Late 3:7

Tho in, Topa! Kei hong hon in, ka Pasian! Bang hang hiam cih leh nangmah in ka galte khempeuh’ paang na satgawp a, migilote’ ha na su-tan hi.

Isaiah 40:31

Ahih hangin Topa a ngak mite a tha uh dimkik ding a, muvanlai bangin kha tawh leengto-in, amaute tai napi-un tawl lo ding uh a, amaute lam pai napi-un gim lo ding uh hi.