Late 20:4 - Tedim Bible

⁴ Na lungsim’ deihna amah in hong pia hen la, na geelna khempeuh hong tangtungsak ta hen!

Tedim Bible Revision 2017

⁴ Na lungsimʼ deihna amah in hong pia henla, na geelna khempeuh hong tangtungsak tahen!

Late 20:4 Referans Kwoze

Late 145:19

Amah in, amah a zahtakte khempeuh’ deihna tung sak a, amaute’ kikona zong za-in amaute honkhia hi.

Late 37:4

Topa sungah lungkim in, amah in na lungsim deihna nang hong pia ding hi.

Mattiu 21:22

Upna tawh thu na nget uh leh, na nget khempeuh uh na ngah ding uh hi,” a ci hi.

Late 21:2

Ama lungsim’ deihna nang in na piakhin a, ama hong ngetna na khaktan kei hi.

Johan 16:23

Tua ni ciangin kei kiangah bangmah nong dong kei ding uh hi. Ke’n aman takpi kong cih-inah, note in keima min tawh Pa kiangah thu na nget khempeuh uh a hong pia ding hi.

Paunak 11:23

Mihoihte’ deihna thuhoih tawh kizom tawntung a, migilote’ deihna a tun’ ciangin mi khempeuh heh hi.

Johan 11:42

Nang in keima thu nong ngai niloh cih ke’n ka thei hi. Ahih hangin kei na hong sawl ka hih hong um mihonpite in a up nadingun, amau ading tua thu ka gen hi,” a ci hi.

Thukhente 13:23

Ahih hangin a zi in ama kiangah, “Topa in eite thah hong sawm hi leh, i khut panin meihal biakna leh an tawh biakna hong sang lo ding a, hih nate khempeuh hong lak loin, hih bang nate zong eite tungah hong pulak lo ding hi,” a ci hi.

1 SAMUEL MASA 26:19

Tua ahih ciangin tu-in ka to kumpipa in a nasempa’ thu za in. Keimah do dingin nang hong toksuahpa in Topa ahih leh amah in biakna hong sang ta hen; ahih hangin mihing ahih leh amaute in Topa mai-ah samsiatna ngah ta hen. Bang hang hiam cih leh amaute in, ‘Pai in, pasian dangte’ na sem in,’ ci-in Topa’ gamh ka ngah loh nadingin tuni-in kei hong hawlkhia uh hi.

2 SAMUEL NIHNA 24:23

Kumpipa aw, Araunah in hihte khempeuh kumpipa tungah hong pia hi,” a ci hi. Tua ciangin Araunah in kumpipa kiangah, Topa, na Pasian in nang hong sang ta hen,” a ci thuah lai hi.

2 KHANG TANGTHU NIHNATE 9:12

Tua ciangin kumpinu in amah a puakte a thukna-in letsong a piakte banah, a deih khempeuh, a nget khempeuh, Sheba kumpinu tungah Solomon in pia hi. Tua ahih ciangin amah kihei-in a nasemte tawh ama gamah ciah kik hi.