Late 20:1 - Tedim Bible

¹ Gimna hunah Topa in nangmah hong en! Jakob Pasian min in nangmah hong dal!

Tedim Bible Revision 2017

¹ Gimna na thuak ciangin Topa in nang hong en henla, Jakobʼ Pasian in nangmah hong dal tahen!

Late 20:1 Referans Kwoze

Paunak 18:10

Topa’ min in tausang muanhuai tawh kibang a, thuman mite in beelin lungmuangin om thei uh hi.

Late 138:7

Haksatna tuamtuamte ka thuak ciangin kei nong kem hi; a heh ka galte, kei’ tangin nong dosak a, na thahatna tawh kei nong honkhia hi.

Hebru 5:7

Tua Khazih in mi pumpi bangin a om lai takin, sihna pan a honkhia zopa kiangah kikona, khitui luan’na tawh thungenin thuum a, Pasian kihtakna lungsim hangin thungaihna ngahin,

Late 46:11

Mi honte’ Topa in ei tawh omkhawm a, Jakob' Pasian in eima belh ahi hi.

Isaiah 50:10

Topa kihta a, a nasempa’ thu a mangte khempeuh in, khuamial sungah khuavak nei loin na pai hangun, Topa muang un la, Pasian suan’ in nei un.

Late 83:18

Topa a kici min nei nangmah bek in leitung khempeuhah a Sang Penpa na hihna amaute thei sak in.

Late 46:1

Pasian in eima belh leh i thahatna hi a, haksat hunin hong huh pahpahpa ahi hi.

Jeremiah 30:7

Nu ei! tua ni lianpi hong tung ding a, nidang tawh teh theih hi lo ding hi! Jakob’ suante’ gimna ngah hun hi ding a, ahih hangin amau a suakta veve ding uh hi.

Late 60:11

Ka gal dona uh-ah huhna kote hong pia in, bang hang hiam cih leh mihing’ huhna a mawkna hi!

Late 114:2

Judah gam in ama biakinn suak a, Israel gam in ama ukna gam a suak hi.

Late 50:5

“Kei tawh biak piakna-in thuciamna a bawlte, ka micitakte ka kiangah hong khawm un!”

Late 46:7

Mi honte’ Topa ei tawh hong omkhawm a, Jakob’ Pasian in eima belh ahi hi.

Late 18:2

Topa in ka suangpi, ka munkip muanhuai, hong honkhia-pa, ka Pasian, ka suangpi, ka belhpa, ka lum, ka kihotkhiatna ki, ka munkip ahi hi.

Late 9:10

Topa aw, nangmah hong zongte nusia lo na hih manin, na min a theite in nang hong muang hi.

Late 41:1

Mi gentheite a khual mi in thupha ngah ahi hi. Topa in haksatna hunah amah honkhia hi.