Late 2:9 - Tedim Bible

⁹ Siktawn khat tawh amaute na satkham ding a, beelseekpa’ beel den’khap bangin amaute lei-ah na dengzan ding hi,” hong ci hi.

Tedim Bible Revision 2017

⁹ Sik tawn khat tawh amaute na satkham dinga, beelseek pa in beel a den khap bangin leilak ah amaute na deng zan ding hi,” hong ci hi.

Late 2:9 Referans Kwoze

Mangmuhna 12:5

Numei in mipawl khempeuh sik ciangkhut tawh a uk ding tapa a suah ciangin Pasian kiangah ahi zongin, ama tokhom kiangah ahi zongin kipaipih hi.

Late 89:23

Ama mai-ah a galte ka sugawp ding a, amah a mudahte ka satpuk ding hi.

Mangmuhna 19:15

Mipawl pawlte sat nading ama kam sungpan namsau a hiam a pusuak hi. Amaute zong sik ciangkhut tawh a uk ding hi. Vanglianpen Pasian’ hehna leenggahzu kicilna phual amah in a cil hi.

Isaiah 30:14

tua cipna pen iplah loin a kidengkham beel seekpa’ beel themte lak pan meikhuk a, mei lak nading ahi zongin, tuikhuk a, tui dip nading ahi zongin a om het lo tawh kibang ding hi,” a ci hi.

Daniel 2:44

Tua kumpite a maan’ lai takun, vantung Pasian in a bei thei ngei lo ding kumpigam a hong phut ding hi. Tua kumpigam kuamah in zo zo lo ding a, tua gam in gam dang khempeuhte zo gawpin, a kip tawntung ding hi.

Jeremiah 19:11

amaute kiangah, a vanglian Topa in a cih-inah, hih beelsekpa’ beel kisukham a, a kibawl phatkik theih nawn loh mah bangin hih mite leh hih khuapi ka sukham ding hi. Mun dangah si vui nading mun om nawn lo ding ahih manin Tofeth nangawn-ah a kivui ding uh hi.

Mattiu 21:44

Hih suang tungah a kiate in a kitan ding hi. A tungah hih suang kia a, a deen’ khak peuhmahte kizangawp ding hi,” a ci hi.

Isaiah 60:12

Bang hang hiam cih leh nangma na hong sem lo minam leh kumpi gam beimang ding hi; tua minamte kisia maimang ding hi.

Jeremiah 13:14

Pate leh tate-a kipan amaute khat leh khat ka kiphusak ding a, Topa in kong cih-inah, hehpih lo, dawm lo, it loin ka siasak ding hi, a ci hi,’ va ci in.”

Daniel 2:45

Kuama lawn’ loh a, mualtung pan hong tuksuk suangtum in sik, sumngo, tungman, ngun leh kham tawh kibawl milim a den paih na mu hi. A lian Pasian in mai lamah bang hong piang ding cih Kumpipa a hong hilh hi. Na mangmat pen ahi bang tektekin kong gen a, a khiatna zong a maan bangin kong gen zo hi,” a ci hi.

Micah 5:8

A om lai Israel mite pen minam dangte lakah, gamlakah sa a beng, tuute a tuah ciangin manin balnen gawp a, a kam sung pan a honkhia zo a om lo, humpinelkai bang ding uh hi.