Late 2:4 - Tedim Bible

⁴ Vantunga tu-pa in nuihsan a, tua Topa in amaute zahko hi.

Tedim Bible Revision 2017

⁴ Vantung a a tupa in amaute na nuihsan a, tua Topa in amaute a zahko hi.

Late 2:4 Referans Kwoze

Late 37:13

ahih hangin Topa in migilopa’ hun tung ta mu ahih manin amah nuihsan lel hi.

Late 59:8

Topa aw, ahih hangin nangmah in amaute na nuihsan lel a, minam khempeuh na zahpih hi.

Isaiah 40:22

Leitung-a teeng mite kauphe tawh kibang, tua leitung kimkot tunga kumpi tokhom tungah a tu-pa; vantungte pen puan bangin zal-in, a sungah teen theih nadingin puanbuk bangin a zalpa;

Paunak 1:26

lungkhamna na tuah uh ciangin kei zong kong nuihsan lel ding a, launa na tuah uh ciangin kong thusim kei ding hi.

Late 11:4

Topa in ama biakinn siangtho sungah om a, Topa’ tokhom in vantungah om hi; a mit-in en a, a mit tawh mihing’ tate entel hi.

Isaiah 57:15

Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.

Late 115:3

Vantungah eite’ Pasian om a, ama ut peuhpeuh a hih hi.

Late 53:5

Cik mah-a tua bang launa om ngei lo, launa lianpi sungah amaute om uh hi. Bang hang hiam cih leh Pasian in migilote’ guhte thehthang ding hi; Pasian in amaute nial ahih manin, amaute maizumin kikoih ding hi.

Isaiah 66:1

Topa in hih bangin ci hi: “Vantung in keima tokhom hi a, leitung in keima khe ngakna ahi hi; kei’ adingin koi lai-ah inn lam ding a, keima tawlngakna mun koi lai ahi hiam?

2 KUMPI NIHNATE 19:21

Hih in amah tawh kisai-in Topa’ gensa thu ahi hi: “Zion khua pi in nang hong simmawh a, nang hong nuihsan hi; Jerusalem khuapi in na nungah a lu hong peisan hi,

Late 59:9

Ka Thahatna aw, nangmah phatnate ka sa ding hi; bang hang hiam cih leh, Pasian aw, nangmah in ka munkip muan’huai na hi hi.

Late 123:1

Vantung-a a ompa aw, nangmah kong ento hi!