Late 2:10 - Tedim Bible

¹⁰ Tua ahih ciangin kumpite aw, tu-in pil un; leitung gam ukte aw, thu phawk un.

Tedim Bible Revision 2017

¹⁰ Tua ahih ciangin kumpite aw, tu-in pil ta un; leitung gam a ukte aw, tu-in thu phawk ta un.

Late 2:10 Referans Kwoze

Hosea 14:9

Mipil, thu ngaihsun theite in hih thute thei telin lim takin ciamteh ta hen. Topa’ lampi tang mahmah a, thutang mite in tua lampi tawn uh hi. Mawhneite in tua lampi tawn lo uh ahih manin puk uh hi.

Isaiah 60:3

Nangma khuavak sungah minam dangte hong pai ding uh a, nangma taan’khiatna sungah kumpite hong pai ding uh hi.

Late 45:12

mihau pente ahi Tai-ar mite in na manpha namkim letsong tawh nang hong maivil ding uh hi. Kumpi tanu a inndei sungah kham kigan puantualpi tawh kizem a,

Jeremiah 6:8

Jerusalem khuapi aw, kidawm in! Na tua cih kei leh kong taisan ding a, kuama’ teen’ lohna gam simtham na suak kha ding hi,” a ci hi.

Isaiah 52:15

tua ahih ciangin amah in minam tampite dipkua sak ding a, ama hangin kumpite in a kam uh cih ding uh hi; bang hang hiam cih leh amaute tunga a kigen ngei lo nate mu ding uh a, amaute in a zak ngei loh uh nate theitel ding uh hi,” ci hi.

Isaiah 49:23

Kumpite pen nang hong kem pate hi ding a, kumpinute pen nang hong khoi na nute hi ding hi. Amaute in a maitang uh lei lak ngatin nang kiangah hong kun ding uh a, na khe-a leivuite liak ding uh hi. Tua ciangin keimah in Topa ka hihna na thei ding hi; kei sungah a lamente maizum lo ding hi,” a ci hi.

Zekhariah 14:17

Minam khatpeuh peuh in Vanglianpen Topa ahi kumpipa a bia dingin Jerusalem ah a pai nop kei leh amau’ gam sungah guahzu lo ding hi.