Late 2:1 - Tedim Bible

¹ Bang thu hangin minamte in siat nading ah kithukhat sim a, mite in a mawk nading sawmsim uh hiam?

Tedim Bible Revision 2017

¹ Bang thu hangin minam dangte siat nading ah kithukhat sim uh a, mite in a mawkna dingpi-in sawm sim uh ahi hiam?

Late 2:1 Referans Kwoze

Mangmuhna 17:14

Amaute in Tuuno tawh a kido uh ciangin Tuuno in amau a zo gawp ding hi. Bang hang hiam na cih uh leh, amah in topate’ Topa, kumpite’ Kumpipa ahi hi. Kiteelkhia, kisamin, thuman mi ahi Topa tawh a omkhawm mite in zong a zo gawp ding uh hi,” ci-in kei kiangah hong gen hi.

Late 46:6

Minamte heh mahmah uh a, kumpi gam kiliing hi; ama aw ging khiasak a, leitung kicimgawp hi.

Late 21:11

Na langah siat nading vaihawm a, gitlohna a bawl uh leh, tangtung lo ding uh hi.

Mattiu 21:38

Ahih hangin, lo khawh lawhte in a tapa a muh uh ciangin, ‘Hihpa in a inn luah dingpa ahi hi. Hong pai un, amah thatin a sum luah ding teng eite in tang ni,’ ci-in khat leh khat a kikum uh hi.

Isaiah 8:9

No minam dangte aw, galsim dingin awng un, thei un la, kitamzan un; gamlapi-a om gamte khempeuh aw, ngai un; kigalging un, ahih hangin lungkiatna na thuak veve ding uh hi; kigalging un, ahih hangin lungkiatna na thuak veve ding uh hi.

Late 18:42

Huihpi mai-ah leivui bangin amaute ka satvui a, kongzing buante bangin amaute ka lawnkhia hi.

Sawltak 5:33

Amaute in hih thu a zak uh ciangin lungsim kitamkhia dektak zahin heh uh a, sawltakte that dingin khat leh khat a kikum uh hi.

Luka 18:32

Bang hang hiam na cih uh leh, Gentailte khut tungah kipia ding a, zahkona, bawlsiatna leh cilphihna a thuak ding hi.

Sawltak 16:22

Mihonpite in amau langkhatah a ding uh a, thukhen mangte in amau puan balkek uh a, ciangpum tawh sat nadingin thu a pia uh hi.

Luka 22:5

Amaute nuam uh a, “Dangka-in kong guai ding uh hi,” ci-in a kiciam uh hi.

Late 46:7

Mi honte’ Topa ei tawh hong omkhawm a, Jakob’ Pasian in eima belh ahi hi.

Late 57:9

Topa aw, mite lakah nang tung lungdamna kong ko ding a, minamte lakah nangmah phatna ka sa ding hi.

Late 74:23

Nangma galte’ kikona aw, nang hong langpangte’ gamlum semsemna mangngilh kei ta in!

Late 83:3

Amaute in khem siamna tawh na mite thang siah uh a, amaute in, na itte lang pangin thu kikum uh hi.