Late 19:9 - Tedim Bible

⁹ Topa a kizahtakna in siang a, kip tawntung hi; Topa’ ngeina kipte thuman a, a vekpi-in kituak takin man kim hi.

Tedim Bible Revision 2017

⁹ Topa a kizahtakna siang a, kip tawntung hi. Topaʼ ngeina kipte thuman a, a vekin kituakin man kim hi.

Late 19:9 Referans Kwoze

1 SAMUEL MASA 12:24

Topa zahtak bek un la, na lungsim khempeuh uh tawh citakin ama na sem un; bang hang hiam cih leh note adingin amah in na lian hong bawlsaksate ngaihsun un.

Late 119:142

Nangma thumanna kip tawntung a, na thukham zong man tawntung hi.

Late 119:1

Amau gamtatna-ah paubaan’na om lo a, Topa’ ngeina sunga gamtate in thupha ngah ahi hi!

Mangmuhna 15:3

Tua mite in Pasian’ sila Moses’ la leh Tuuno’ la sa-in: “Vanglianpen Topa Pasian aw, Na bawlnate lianin, a lamdang mahmah hi! Mipawl khempeuhte’ Kumpipa aw, Na gamtatnate in a dikin, a man hi!

Late 115:13

amah in Topa a zahtakte alian aneu-in thupha hong pia ding hi.

Late 111:10

Topa zahtakna in pilna kipatna ahi hi; ama thupiak a zuite khempeuh tungah thukhen siamna a pia hi. Amah phat tawntung ding ahi hi.

1 KUMPI MASATE 18:12

Nang kiang panin kei ka paikhiat phetin ka theih lohna munah Topa’ Kha in nang hong pua ding hi; tua ciangin, kei pai-in Ahab kiangah genin amah in nang hong muh loh ciangin, ka khangno lai-a kipanin keimah na nasempa in Topa zahtak hi napi-in, amah in kei hong that ding hi.

Thu-hilhkikna 4:8

Tu ni-in note kong hilh hih thute bangin thukham leh ngeina kip man a nei minam lian koi-ah om ahi hiam?

Piancilna 42:18

A ni thum ni-in Josef in amaute' kiangah, “Keimah in Pasian zaktak ka hih manin hih bangin gamta un, tua hi leh na nungta ding uh hi:

Mangmuhna 19:2

A thukhenna a man a dik hi. Bang hang hiam i cih leh, a gilo nu leh pa khialhna tawh leitungmite a siasak nuam numei gilo tungah thu khenin, a sisa a silate’ sisan hangin ama tungah daan a tat zo hi,” ci-in a gen uh hi.

Mangmuhna 16:7

Biakna tau in zong, “Ahi hi. Vanglianpen Topa Pasian aw, na thukhennate a man a dik uh hi,” a cih thu ka za hi.

ROM (Romans) 2:2

Tua bang ahihte tungah Pasian’ thukhenna in a mantak hi cih i thei hi.

Isaiah 26:8

Topa aw, nangma thukham deihna kong zui uh a, nang kong ngak uh hi; nangmah in kote’ deih kicin’na na hi hi.

Late 119:106

A thuman nangma biakna ngeina kipte zui dingin thu ka kiciam khin a, ka kipsak hi.

Late 119:7

Nangma biakna ngeina kipte ka sin khit ciangin lungsim thutang tawh nangmah kong phat ding hi.

Late 36:6

Na thumanna in Pasian’ mualte tawh kibang a, na thukhennate in tuipi thuk tawh kibang hi; mihing leh ganhing na hon hi, Topa aw.

Late 36:1

Thu palsatna in migilopa’ lungsim tawngah thu gen a, ama mai-ah Pasian zahtakna om lo hi.

Late 10:5

Ahih nate a ma pai ngitnget hi; amah kiphasak a, na thukhennate ama muhna’ bat zawh lohin sang hi; a galte khempeuh ahih leh amah in nehpiksan lel hi.

Nehemiah 5:15

Keima hun ma-in a ukte in mite tungah vangikpi suan uh a, amaute tung panin ni simin an leh lenggahzu ngun shekel sawmli man la uh hi. Amau’ nasemte nangawn mite tungah kiliansak lai uh hi. Ahi zongin Pasian ka zahtakna hangin tua bangin kei ka gamta kei hi.

Paikhiatna 21:1

“Tu-in hihte in amaute’ tungah na piak ding biakna ngeina kipte ahi hi.

Piancilna 22:12

Amah in, “Tangvalpa su kei in, ama' tungah bangmah hih kei in; bang hang hiam cih leh nang in Pasian na zahtakna tu-in ka thei a, na tapa, na tapa khat bek ahi, keima adingin na humcip lohna ka mu hi,” ci hi.

ROM (Romans) 11:22

Tua ahih ciangin a puk mite tungah a thukhenna ahi zongin, ama hehpihna sungah na kip leh, nangmah tungah Pasian’ hehpihna ahi zongin, hih thu nih na ngaihsun in. Ama hehpihna sungah na kip kei leh, phuk tanna na thuak ding hi.

Sawltak 10:22

amaute in, “Pasian a kihta, Judah mi khempeuh in a zahtak, midik, galkap mangpa Kornelias in nangmah hong sam a, nangmah kiang pan thu a zak nading, vantungmi siangtho khat in thu a pia hi,” a ci uh hi.

Paunak 8:13

Topa zahtakna in thusia muhdahna hi a, kiphatsakna leh kihihsakna, gamtatsia leh thuzuau ka mudah hi.

Late 147:19

Amah in Jakob tungah ama thu gen a, Israel tungah ama ngeina kipte leh ama biakna ngeina kipte a gen hi.

Late 119:75

Topa aw, na biakna ngeina kipte man hi ci-in ka thei a, na thumanna hangin kei dan nong pia hi.

Late 119:62

A man nangma biakna ngeina kipte hangin nangmah phat dingin zankim lai takin ka tho hi.

Late 119:39

Ka kihtak hong kikonate heikhia in; bang hang hiam cih leh nangma biakna ngeina kipte hoih mahmah hi.

Late 12:7

Topa aw, kote hong dal in la, tu khang mite kiang panin hong kem in.

Late 119:111

Nangma biakna ngeina kipte in tawntung keima luah ahi hi; hi hi, tuate in keima lungdamna ahi hi.

Isaiah 45:19

Keimah in mun simtham, khuamialna gam sungah thu ka gen kei hi; Jakob’ suan leh khakte kiangah, ‘A awngthawl mun sungah kei hong zong un,’ ka ci kei hi. Keimah Topa in thuman ka gen a, a man nate ka pulak hi.