Late 19:8 - Tedim Bible

⁸ Topa’ thuhilhte man a, lungsim nuam sak hi; Topa’ thupiakna siang a, mitte vaaksak hi.

Tedim Bible Revision 2017

⁸ Topaʼ thuhilhte man a, lungsim nuamsak hi. Topaʼ thupiakna siang a, mitte vaksak hi.

Late 19:8 Referans Kwoze

Late 12:6

Topa’ thuciamnate in a siangtho thuciamna hi a, meikhuk sunga sagih vei a kisiangsak ngun tawh kibang hi.

Late 119:105

Na thu in kei, lam hong lak ding meivak hi a, ka paina lampi-ah khuavak ahi hi.

Jeremiah 15:16

Na thute in kei hong kem a, an bangin ka ne hi. Na thute kei adingin kipahna leh lungdamna ahi hi. Bang hang hiam cih leh nangma’ min-in kei hong kilo hi, Aw, Topa, a vanglian Pasian aw,

Paunak 30:5

Pasian in a thugen khempeuh a manna laktel a, amah a belte khempeuh tungah kidalna lum ahi hi.

Late 119:128

Tua ahih ciangin na thuhilhte khempeuh tawh kituakin kei ka gamta hi; a man lo lampi khempeuh ka mudah hi.

Paunak 2:6

Bang hang hiam cih leh pilna a piapa in Topa hi a, amah in pilna leh siamna a hilhpa ahi hi.

Late 119:92

Nangma thu pen nuam a sa hi lo hi leng, ka thuakna-ah kei ka kisia khin zo ta ding hi.

Late 119:80

Guallelh maizumna ka thuak loh nadingin nangma ngeina kipte a kicing takin a zui zo mi hong hisak ta in!

Paunak 6:23

Bang hang hiam cih leh thupiaknate in meivak hi a, hilhnate in a taang mahmah khuavak bang hi-in, khalna leh hilhnate in nuntak nading lampi hi a,

ROM (Romans) 7:22

Ka sung mi hangin Pasian’ Thukham a pha ka sa hi.

Galati 2:19

Keimah in Pasian hangin ka nuntak theih nadingin Thukham tawh Thukham hangin si-in ka om hi. Keimah in Khazih tawh singlamteh tungah sihna ka thuakkhawm zo hi.

ROM (Romans) 3:20

Bang hang hiam na cih uh leh, thukham tawh mawhna kilang ahih ciangin thukham a zuihna tawh, Pasian mai-ah kuamah in dikkisakna a ngah kei ding hi.

ROM (Romans) 7:7

Tua bang ahih leh, bang i ci gen ding hiam? Thukham in mawhna ahi i ci ding hiam? Tua bang hi zenzen lo hi. Ahi zongin thukham bek hangin mawhna lungsim ka thei hi. Bang hang hiam na cih uh leh, “Huaihamna lungsim nei kei in,” ci-in Thukham in na ci kei leh, huaihamna lungsim ke’n ka thei kei ding hi.

Late 119:16

Nangma ngeina kipte-ah nuam ka sa ding a, nangma thu ka mangngilh kei ding hi.

Late 119:14

Hauhnate khempeuh sangin nangma thuhilhnate nuam ka sa zaw hi.

Ezekiel 36:27

Note sungah keima kha kong guan ding a, note tungah kong piak ka thukhamte leh ka thupiakte lim takin kong zui sak ding hi.

Late 119:171

Na ngeina kipte kei hong hilh na hih manin, nang ka hong phat tawntung ding hi.

Late 119:143

Dahna leh lungkhamna ka tungah hong tung a, ahih hangin na thupiaknate pen nuam ka sakna ahi hi.

Late 119:130

Nangma thute hon’khiatna in khuavaksak a, thu thei lote, thu theihtelna a guan hi.

Late 119:121

Keimah in, thutang leh thumanin ka gamta hi; kei hong nengniamte’ khut sungah hong nusia kei in.

Late 119:40

En in, nangma thuhilhte ka lunggulh hi; na thumanna tawh kei hong hing sak in!

Late 119:12

Topa aw, thupha ngah ta in; na ngeina kipte kei hong hilh in!

Late 40:8

nangma deih bang hihna-ah nuam ka sa hi, ka Pasian aw; na thukham ka lung sungah om hi,” ka ci hi.

Late 13:3

Topa ka Pasian aw, ngaihsun in la hong dawng in, ihmu-in si kha ding ka hih manin ka mitte hong vak sak in;

Paikhiatna 18:16

amaute in thu a neih uh ciangin kei' kiangah hong pai uh a, mi khat leh a vengpa' kikal-ah thu ka khen a, Pasian’ ngeina kipte leh ama' thukhennate amaute ka theisak hi,” a ci hi.

Piancilna 26:5

Bang hang hiam cih leh Abraham in ka thu mangin, ka sawlna, ka thupiakna, ka ngeina kip leh ka thu zui hi,” ci hi.

Galati 3:21

Tua ahih ciangin Thukham in Pasian’ thukhamnate lang khatah om ahi hiam? Tua bang hi lo hi. Bang hang hiam na cih uh leh, nuntakna a pia thei thukham a om leh, a man takpi tua thu hangin dikna kingah zo hi.

Isaiah 64:5

Thuman nasep lungdam takin a semte, nangma deih bangin a nungtate, nangmah in na limbawl hi. En in, kote tungah nang na heh a, ahih zongin kote ka khial lai veve uh hi; tanglai pek-a kipanin ka mawh ngitnget uh hi. Tua bangpi-in kote hong kihon ding ahi hiam?

Late 119:54

Hih leitung ka omna peuh ah, nangma ngeina kipte, la phuak-in ka sa sa hi.

Late 119:24

Na thuhilhnate ka deih hi; tuate in keimah thu hong lakte ahi hi.

Nehemiah 9:13

Sinai Mual tungah kumsukin, vantung panin amaute hopihin, amaute tungah a man thukhenna, thukham taktak, a hoih ngeinate leh thupiaknate na pia a,

Nehemiah 8:12

Tua ahih ciangin mi khempeuh an ne tui dawnin midangte a kholh ding leh lungdam-a om dingin ciah uh hi; bang hang hiam cih leh amaute tungah a kigen thute amaute in theitel uh hi.

Thu-hilhkikna 16:14

na pawi sungah nang leh na tanu leh na tapa, na nasem numei leh na nasem pasal Levi mi, peemta, pa nei lo, leh na khua sunga om meigong numeite tawh na lungdam khawm ding uh hi.

Thu-hilhkikna 16:11

Topa na Pasian uh mai, ama min om nadingin Topa na Pasian un a telna munah, nang leh na tanu leh na tapa, na nasem numei leh na nasem pasal, na khua sunga om Levi mi, peemta, pa nei lo, note lakah a om meigong numeite tawh na lungdam khawm ding uh hi.

2 KUMPI NIHNATE 17:37

Note adingin a gelh thukhamte leh ngeina kipte leh zuih ding ngeina leh thupiaknate zuih ding na kingaihsun tawntung ding uh hi. Note in pasian dangte na kihta kei ding uh a,

Late 93:5

Na thupiaknate in a hi taktak ahi hi; Topa aw, siangthona in a tawntungin na inn tawh a kilawm hi.

Late 111:7

Ama nasepnate khempeuh ah amah thumanin citak a, ama thupiaknate muan’taak mahmah hi.