Late 19:7 - Tedim Bible

⁷ Topa’ thu kicing a, nuntakna thaksuak sak hi; Topa’ teci pan’na pen hi takpi a, mipil lote pil sak hi;

Tedim Bible Revision 2017

⁷ Topaʼ thu kicing a, nuntakna a thaksuaksak hi. Topaʼ teci panna hi takpi a, mipil lote pilsak hi.

Late 19:7 Referans Kwoze

Late 119:130

Nangma thute hon’khiatna in khuavaksak a, thu thei lote, thu theihtelna a guan hi.

Late 111:7

Ama nasepnate khempeuh ah amah thumanin citak a, ama thupiaknate muan’taak mahmah hi.

Kolose 3:16

Khazih’ thu in pilna apawlpawl tawh note sungah om ta hen. Late-a kipan biakna la leh Kha Siangtho tawh kipawl la apawlpawl tawh note khat leh khat kihilhin, kitai-in, hehpihna thupha lungsim nei-in, Pasian tungah lasa-in phat un.

Paunak 1:4

Thu thei nai lote in a theih nading, khangnote in pilna leh thu ngaihsut theihna a ngah nading.

Late 23:3

Ka nuntakna tha hong dimsak a, ama min’ adingin thuman lampi-ah kei hong kha hi.

Late 119:105

Na thu in kei, lam hong lak ding meivak hi a, ka paina lampi-ah khuavak ahi hi.

Thu-hilhkikna 32:4

“Eite belh Suangpi, a nasepna kicing a, ama sepna khempeuh thumanna ahi hi. Thumanna nei-in, mawhna a nei lo Pasian hi a, amah thutangin thuman hi.

2 TIMOTI NIHNA 2:19

Ahih hangin, “Topa in ama mite a thei hi,” ci-in ahi zongin, “Topa’ min a muangte in dik lohna pan paikhia hen,” ci-in ahi zongin ciamtehna a om, a to mahmah Pasian’ bulpi in, kipin a om hi.

Late 93:5

Na thupiaknate in a hi taktak ahi hi; Topa aw, siangthona in a tawntungin na inn tawh a kilawm hi.

2 TIMOTI NIHNA 1:8

Tua ahih ciangin Topa teci pan’na ahi zongin, tua Topa’ thongkiapa ahi keimah ah ahi zongin zum kei in. Pasian hong piak a vangliatna bangin Lungdamna Thu tawh kizomin gimna na thuak in.

Isaiah 8:20

Tua ciangin note in, “Topa hong hilh thute leh teci panna thute ngai un. Aisante’ thu ngai kei un. Amaute in zing khuavak nei lo ahih manin hong gen thute a kiman’na om lo hi,” ci-in dawng un.

Jeim 1:17

A pha a kicing hong piak thupha a om khempeuh in khuavakna’ Pa kiang vantung panin hong pai uh hi. Tua pa in kikheel lo tham loin, kihei-in a lim zong a kiasak kei hi.

ROM (Romans) 15:4

Eite in Lai Siangtho pan i ngah thuakzawhna leh hehnepna hangah lawpna i neih nadingin, Lai Siangtho-ah nidang lai-a a kigelhsa thu in eite hong thu hilhna-in a kigelh hi.

Late 119:111

Nangma biakna ngeina kipte in tawntung keima luah ahi hi; hi hi, tuate in keima lungdamna ahi hi.

Joshua 1:8

Hih thukham laibu na mangngilh ngei kei ding hi. A sunga a kigelh thute khempeuh tawh kizui-in na gamtat theihna dingin sun leh zanin na lungngaingai ding hi; tua hi leh na lampi mavang ding a, na nasep tangtung ding hi.

Sawltak 10:43

Amah a um mi khempeuh in ama min hangin mawhna maisakna a ngah ding hi ci-in Pasian’ kamsangte khempeuh in teci a pang zo uh hi,” ci-in thu a hilh hi.

Late 119:72

Nangma kam sung pan-a thu in kham leh ngun tul tampite sangin kei adingin hoihzaw hi.

Late 18:30

Hih Pasian a thu kicing a, Topa’ kamciamna a manna kilang hi; amah a belte khempeuh adingin amah in kidalna lum ahi hi.

JOB (Job) 23:12

Pasian’ thupiakna bangin ka gamta ngitnget a, keima utna zui loin, ama deihna ka zui hi.

ROM (Romans) 12:2

Hih leitung mite bangin na om kei un. A hoih, a deihhuai, a kicing ahi Pasian’ deihna in bang ahi hiam ci-in na khen theih nadingun na lungsim uh bawl thakin, na lim uh na kilamdangsak un.

Late 119:24

Na thuhilhnate ka deih hi; tuate in keimah thu hong lakte ahi hi.

Late 119:14

Hauhnate khempeuh sangin nangma thuhilhnate nuam ka sa zaw hi.

Johan 5:39

Lai Siangtho hangah nuntak tawntungna ngah nung ci-in na up manunah Lai Siangtho na tel et uh hi. Hih Lai Siangtho in keima ading teci ahi hi.

Isaiah 8:16

Ka nungzuite aw, Pasian in kei tungah hong piak hih teci thute, lim takin kemin koih cing un.

Late 119:152

Tuate a tawntunga kip dinga na bawl ahihna thu, nangma thuhilhnate panin sawtpi-in ka thei hi.

Late 119:9

Tangval khat in ama gamtatna bangci siangtho kep theih ding ahi hiam? Nangma thu mah bangin kepna tawh a gamtatna siangthosak thei ding hi.

2 SAMUEL NIHNA 23:5

Hi hi, ka innkuan zong Pasian tawh tua bangmah hilo ahi hiam? Bang hang hiam cih leh amah in tawntung thuciamna kei tawh hong bawl a, na khempeuh a hoih a kipin hih hi. Bang hang hiam cih leh keimah hong huhin, ka deihna khempeuh tangtungsak ding hilo ahi hiam?

Mangmuhna 19:10

kei in tua vantungmi’ khe kiangah bokin bia dingin ka kisak leh, amah in, “Kei hong bia kei in! Kei in nang tawh ahi zongin, Zeisu’ teci pan’na a sang na sanggamte tawh ahi zongin sila ka hi khawm hi, Pasian bia in! Bang hang hiam na cih leh, Zeisu’ teci pan’na thu in kamsangte lungsim ahi hi,” ci-in kei kiangah hong gen hi.

ROM (Romans) 3:2

A pawlpawl phattuamna tampi a om hi. A lianbel phattuamna ahih leh, amaute kiangah Pasian’ thu a kipia zo hi.