Late 19:12 - Tedim Bible

¹² Ahih hangin kua in ama khialhnate kimukhia thei hiam? Theih loh man-a khialnate panin hong siangsak in.

Tedim Bible Revision 2017

¹² Ahih hangin kua in ama khialhnate mu khia thei tawm ahi hiam? Theih loh manin khialhna panin kei hong siangsak hi.

Late 19:12 Referans Kwoze

Late 90:8

Nangmah in kote’ mawhnate na mai-ah na koih a, ka khialh simnate uh na maitang ah na koih hi.

JOB (Job) 6:24

“Hong hilh thei le uh cin, pau loin ka om pah ding hi: Ka khialhna hong theih telsak dih un.

Jeremiah 17:9

“Lungsim in na khempeuh lakah a khem hatpen hi a, a kisia pha mahmah hi; kua in a thei thei ding hiam?

Late 40:12

Bang hang hiam cih leh a mal-a sim zawh loh ding siatna tampi in kei hong umcih hi; khua hong mu thei losak zah dongin ka mawhnate in kei hong pha khin hi, amaute ka lu tunga ka sammal sangin tamzaw uh hi; ka lung in a lel hi.

1 KORIN MASA 4:4

Bang hang hiam na cih uh leh, mawhsak nadingin ka pumpi tungah bangmah ka mu kei hi. Ahi zongin tua thu hangin kei in thukhenna tawh kipelh mi ka hi kei hi. Kei thu hong khen mi in Topa ahi hi.

1 JOHAN MASA 1:7

Amah in khuavak sungah a om mah bangin eite zong khuavak sungah i om leh, khat leh khat kihothei-in, a Tapa Zeisu’ si in eite mawhna khempeuh hong sawpsiang hi.

Hebru 9:7

A nihna dei sungah siampi ukpa in ama ading ahi zongin, midangte ading ahi zongin, biakna ganhing sisan paipihin, kum khatin, khatvei bek a tum hi.

Late 139:6

Tua bangin kei nong theihna pen kei adingin lamdang lua mahmah a, thuthuk lua ahih manin kei’ theihtel zawh ding hi lo hi.

Isaiah 64:6

Kote khempeuh mawhnei mi ka hi khin uh a, ka gamtat hoih khempeuh uh zong puansianin tawh kibang veve hi. Kote khempeuh singteh bangin ka vul uh a, ka mawhna hangun, huih letkhiat nahthel keu ka bang uh hi.

Late 139:2

Nangmah in ka heksukna, ka hektohna khempeuh na thei hi; nangmah in ka ngaihsutnate gamlapi pek panin na thei hi.

Late 51:2

Ka khialhna panin kei hong silsiang kiuhkeuh in la, ka mawhna panin hong siangsak in!

Late 65:3

Ka mawhnate un kote hong zawh ciangin, nangmah in tuate nong maisak hi.

Paikhiatna 24:12

Topa in Moses kiangah, “Keima' kiang mual tungah hong paito in la, tua lai-ah ngak in; amaute a kihilh nadingin keima' gelhsa, thukham leh thupiakna tawh, suangpeekte nang' tungah kong pia ding hi,” a ci hi.

Thu-hilhkikna 5:29

Amaute leh a suan a khakte uh a nopsak tawntung theih nadingin keimah zahtak ding leh ka thupiak khempeuh zuih ding hih bang ngaihsutna nei tawntung le-uh ka deih ahi hi.

Thu-hilhkikna 5:32

Tua ahih ciangin Topa na Pasian un note hong thupiak bangin na gamtat ding uh na kingaihsun ding uh hi; ama thu panin taklam hita leh vei lamah hita leh na pial kei ding uh hi.

Paunak 13:13

Thu kihilh ding ut lohna in siat ding utna hi a, thu kihilhna zuihna in lungnopna hi.