Late 19:11 - Tedim Bible

¹¹ Tham loin tuate hangin na nasempa in thu phawkna ngah a, tuate zuihna-ah noptuam lian om hi.

Tedim Bible Revision 2017

¹¹ Tua tham loin tuateʼ hangin a nasem pa in thuphawkna ngah a, tuate zuihna ah noptuamna lian a om hi.

Late 19:11 Referans Kwoze

2 JOHAN NIHNA 1:8

Note in na bawl uh nate mangthangsak loin, a kicing thaman na ngah nadingun na kikem un.

Late 119:11

Nang tungah kong khialh loh nadingin ka lungsim sungah nangma thu ka khol hi.

Jeim 1:25

Suahtakna tawh kizom a kicing thukham lim takin entel a, a zuisuak mi in thu a zak ciangin mangngilh loin zui ahih manin a sepna ah thupha a ngah ding hi.

Paunak 29:18

Pasian’ lamlahna a kizuih lohna gam-ah, gamsung mite phengtat uh a, Pasian’ thukham a zui mite a lungdam hi.

Mattiu 6:4

A kilang lona-ah a mu thei na Pa un phattuamna hong pia ding hi.”

Mangmuhna 14:13

Tua lai takin, “Tu-a kipan Topa sungah a si mite in thupha ngahte ahi uh hi ci-in gelh in,” ci-in vantung pan hong gen aw ka za hi. Kha Siangtho in zong, “Tua thu a man hi. Tua mite in tua bang ciangin nasepna bei-in khawlna tawlngakna thu a ngah ding uh hi. Bang hang hiam na cih uh leh, amaute nasepna un zong amaute a zui ding uh hi,” ci-in a gen hi.

1 THESALONIKA MASA 5:14

Ute naute aw, thadah zulhtat mite a kikep nadingun na hilh un, lungsim zawmte na hansuah un, thanemte na huh un, mi khempeuh tungah na lungduai un.

Mattiu 3:7

Farisai-te leh Saddusi-te a kibaptaiz dinga hong pai Johan in a muh ciangin, “No mualtan’ suante aw, a hong tung ding hehna pan na taikhiat nadingun kua in hong hilhkhol hiam?

1 KORIN MASA 4:14

Kong zumsak nadingin hih bangin gelh ka hi kei hi. Ka it ka tate bangin hilh nadingin kong gelh hi.

Sawltak 20:31

Tua ahih ciangin kikem un. Keimah in kum thum tawntung sun tawh zan tawh pelh loin mi khempeuh khitui tawh hilhin, ka om na mangngilh kei un.

Mattiu 6:18

A kilang lona-ah a muthei na Pa un phattuamna hong pia ding hi.”

Paunak 11:18

Migilote in a man nei taktak bangmah ngah lo a, thuman-a gamtate in pel loin thaman hoih ngah hi.

2 KHANG TANGTHU NIHNATE 19:10

a khuapi uhah a teeng na sanggamte uh tung panin mi kithahna thu, thukham ahih kei leh thupiakna, upadi ahih kei leh biakna ngeina kipte tawh kisai-in thu khatpeuh peuh no tungah hong tun’ ciangin, amaute in Topa’ mai-ah mawhna a pian’sak loh nading leh note leh na sanggamte uh tungah hehna hong tun’ loh nadingin amaute na hilh ding uh hi. Tua bangin na gamta ding uh a, mawhna na piangsak kei ding uh hi.

Mattiu 6:6

No thu na nget uh ciangin inn sung tawngah lut un la, kong na khak khit uh ciangin a kilang lona munah a om na Pa uh kiangah na ngen un. A kilang lona-ah a om na Pa un phattuamna a hong pia ding hi.

Late 119:72

Nangma kam sung pan-a thu in kham leh ngun tul tampite sangin kei adingin hoihzaw hi.

Late 119:103

Nangma thute khum mahmah a, khuaizu sangin ka kam-ah khumzaw hi.

Paunak 24:14

Pilna in i nuntakna ah khuaizu tawh kibang a, pilna nei lecin mai lamah lametna om a, na khan’ hong sausak ding hi.

Ezekiel 3:3

Amah in, “Ezekiel aw, ka hong piak laizial ne in la, na gilpi dim takin ne in,” hong ci hi. Kei zong tua laizial ka ne a, khuaizu tawh kibangin khum ka sa mahmah hi.