Late 18:9 - Tedim Bible

⁹ Amah in vanpi niamsak-in hong kumsuk a, ama khe nuai-ah meivom sahpi om hi.

Tedim Bible Revision 2017

⁹ Amah in vanpi niamsakin hong kum suk a, ama khe nuai ah meii vom sahpi a om hi.

Late 18:9 Referans Kwoze

Thu-hilhkikna 33:26

“Israel aw, nangmah huh dingin vantungah a tuang, a liatna tawh vanpi-ah a om, Pasian tawh a kibang kuamah dang om lo hi.

Mangmuhna 20:11

Tua nung ciangin kumpi tokhom a kaang a lian khat ahi zongin, tua tokhom a, a tu Topa ahi zongin ka mu hi. Tua Topa maitang pan lei leh van in a taikhia uh a, amau adingin omna a om nawn kei hi.

2 PETER NIHNA 3:10

Guta bangin Topa’ Ni in hong tung ding hi. Tua Ni ciangin vantungte in aw lian mahmah tawh mangthang ding a, a nate zong sa lua-in a kisia ding uh hi. Leitunga kipan leitungah kibawl na khempeuh a kangtum ding uh hi.

Hebru 12:26

Tua lai takin a thu piakkholhna aw in leitung a liingsak hi. Tu-in ahih leh, “Khatvei keimah in lei tham loin, van nangawn ka liingsak kik ding hi,” cih kamciamna a om hi.

Johan 13:7

Zeisu in, “Tu lai taka ka bawlna thu na thei kei hi. Tu nung ciangin na thei ding hi,” a ci hi.

Marka 15:33

Sun laitak, nai sawm leh nai nih a phak ciangin, nai thum dongin leitung khempeuh khua a mial hi.

Mattiu 24:29

“Tua gimna ni khit ciangin thakhatin ni hong mial ding a; kha a hong taang nawn kei ding hi; aksite hong kia ding uh a, vanah a om vangliatnate a kiliing ding uh hi.

Joel 3:16

Zion Mual panin Topa hong hawk suk a, Jerusalem panin hong awngkeek a, vanpi leh leipi liing damdam hi. Ahi zongin Topa in, ama mite’ belhpa hi a, Israel mite’ munmuanhuai ahi hi.

2 SAMUEL NIHNA 22:10

Amah in vantungte niamsakin hong paisuk a, ama khe nuai-ah khuamial sahpi om hi.

Isaiah 51:6

Dakto-in vantungte en un la, leitung zong ensuk un; bang hang hiam cih leh vantungte in meikhu bangin mangthang-in, leitung in puan bangin paatkhia ding a, ama tunga teengte pen thokang bangin si ding uh hi; ahih hangin keima hotkhiatna kip tawntung ding a, keima dikna bei ngei lo ding hi.

Late 68:4

Pasian’ tungah la sa un la, ama min phatna la sa un; meiite tunga tuangpa lasak un; ama min in Topa ahi hi, a mai-ah lungdamin diang un!

Paikhiatna 19:18

Sinai Mual meikhu in tuamcip hi, bang hang hiam cih leh Topa in mei sungah tua mual tungah kum hi; a khu in meiphualpikhu bangin kahto a, a mual buppi nakpi takin liing hi.

Late 50:3

Pasian hong pai hi, amah dai om lo hi, ama mai-ah mei husia om a, a kimkotah huihpi om hi.

Late 97:3

Ama mai-ah mei pai a, a kimkot-a om ama langpangte kangtum hi.

Isaiah 66:15

Bang hang hiam cih leh en un, heh mahmahna tawh ama sin sona leh meikuang tawh daan a pia dingin meikuang sungah Topa hong pai ding a, huihpi bangin a leengte hong pai ding hi.