Late 18:43 - Tedim Bible

⁴³ Mite tawh kidona panin nangmah in kei nong honkhia a, minamte’ lutang-in kei nong bawl a, ka theih ngei loh mite in keima na hong sem uh hi.

Tedim Bible Revision 2017

⁴³ A lehdo mite kiang panin nangmah in kei na hong hon khia a, minamteʼ lutangin kei na hong bawl a, ka theih ngei loh mite in keima na hong sem uh hi.

Late 18:43 Referans Kwoze

Isaiah 55:5

En un, note in na theih loh uh minamte na sam ding uh a, amah in note hong minthang sak zo ahih manin, Topa na Pasian leh Israelte’ Siangtho Pa’ hangin note hong thei lo minamte note kiangah hong tai ding uh hi.

2 SAMUEL NIHNA 3:1

Saul’ innkuan leh David’ innkuante kikalah sau veipi gal kidona om hi; David thahat semsemin, Saul’ innkuan thanem semsem hi.

2 SAMUEL NIHNA 19:9

Israel minam khempeuh sungah mi khempeuh thu kisel uh a, “Kumpipa in i galte’ khut sung panin hong khahkhia-in Filistiate’ khut sung panin hong honkhia hi, tu-in Absalom kiang i gam sung panin amah taikhia hi.

1 PETER MASA 2:10

Note in nidang lai-inah a mi pawlte na hih loh uh hangin tu-in Pasian’ mi pawlte na hi uh hi. Nidang lai-inah hehpihna na ngah loh uh hangin tu-in na ngah zo uh hi.

Efesa 1:22

Pasian in Khazih’ khe nuai-ah na khempeuh khiasukin, na khempeuh tungah a uk lutang suak sakin pawlpi adingin a pia hi.

Isaiah 52:15

tua ahih ciangin amah in minam tampite dipkua sak ding a, ama hangin kumpite in a kam uh cih ding uh hi; bang hang hiam cih leh amaute tunga a kigen ngei lo nate mu ding uh a, amaute in a zak ngei loh uh nate theitel ding uh hi,” ci hi.

Mangmuhna 11:15

Sagihna vantungmi in peengkul a tum ciangin, “Hih leitung gam in i Topa leh ama Khazih gam a suak zo hi. Amah in a tawntungin a uk ding hi,” ci-in vantungah nakpi-in a genna aw ka za hi.

ROM (Romans) 15:18

Gentailte in kam tawh ahi zongin, gamtatna tawh ahi zongin, thungaih nading Khazih in

ROM (Romans) 15:12

Kamsangpa Isaiah in: “Jessi bul meeng in Gentailte a uk ding mi ahi ding hi. Gentailte in amah a muang ding uh hi,” a ci hi.

Sawltak 5:31

Israel mipawl kisikkikna leh mawh kimaisakna thu a piak nading tua mi in Ukpa leh Gumpa a suah na’ngin Pasian in ama ziat lamah a koih sang hi.

Hosea 1:10

Ahi zongin, teh zawh loh, sim zawh loh zah dongin tuipi sehnel bangin Israel mite tampi pha ding uh a, tu hunin, “Note ka mi hi lo,” a kicih hangin ni khat ni ciangin, “A nungta Pasian’ tate,” kici ding hi.

Isaiah 49:6

amah in, “Jakob minamte a laamto ding leh ka kepsa Israel mite a ngei uh a bangsak kik ding in keima nasem na hihna pen a baih lua mahmah nasep ahi hi; keima hotkhiatna in lei mong dong a tun’ theih nadingin Gentailte tungah khuavak dingin nang kong pia ding hi,” hong ci hi.

Late 108:9

Moab gam in ka kisilna kuang hi a, Edom gam tungah ka khedap ka lawn hi; Filistia gam tungah gualzawhna tawh ka awng hi.