Late 18:3 - Tedim Bible

³ A phat taak Topa ka sam a, ka galte kiang panin ka suakta hi.

Tedim Bible Revision 2017

³ A phat taak Topa ka sam a, ka galte kiang panin kei hong hon khia hi.

Late 18:3 Referans Kwoze

Late 91:15

Amah in kei hong sap ciangin keimah in amah ka dawng ding hi; haksatna sungah amah ka ompih ding a, amah honkhia-in ka pahtawi ding hi.

Luka 1:71

Lau loin ama’ na i sep theih nading ahi zongin, i pa Abraham tungah thuciamna leh

Late 145:3

Topa lian hi, nakpi tak-a phat ding hi a, ama liatna ngaihsut zawh ding hi lo hi.

Late 62:8

Mite aw, amah muang tawntung un; na lungkhamna teng uh ama tungah gen un; Pasian in eite’ bukna ahi hi.

2 SAMUEL NIHNA 22:4

A phat taak Topa ka sam a, ka galte kiang panin kei hong kihon hi.

Late 96:4

Bang hang hiam cih leh Topa lian a, nakpi tak-a phat ding ahi hi; pasian dangte khempeuh sangin amah zahtak zawk ding ahi hi.

Late 55:16

Ahih hangin keimah in Pasian tungah ka ko a, Topa in kei hong hon ding hi.

Late 50:15

haksat hun ciangin kei tungah hong ko un; note kong honkhia ding a, note in kei nong thangsak ding uh hi.”

Nehemiah 9:5

Tua ciangin Levi mi Jeshua, Kadmiel, Bani, Hashabneiah, Sherebiah, Hodiah, Shebaniah, leh Pathahiah-te in, “Ding un, Topa na Pasian uh phat un la, ‘A tawntung pan a tawntung dongin a minthang na min in thupha ngah a, thupha khempeuh leh phatna dang khempeuh sangin sangzaw hi.

Mangmuhna 4:11

“Kote’ Topa, kote’ Pasian aw, nang in na khempeuh na piangsak a, Nangma deihna hangin piangin a om uh ahih ciangin, tua minthan’na, pahtawina leh vangliatnate ngah dingin na kilawm hi.” ci-in a phat uh hi.

Sawltak 2:21

Tua lai takin Topa’ min tawh thu a ngen peuhmahte in Gupna a ngah ding uh hi, ci-in Pasian in a gen hi,’ a ci hi.

Late 76:4

A om ngitnget mualliante sangin nang na min thangzaw-in na lianzaw hi.

Late 48:1

Topa lian hi, i Pasian khuapi sungah a mual siangtho sungah nakpi taka phat ding ahi hi!

Late 3:4

Nakpi in Topa ka gal sap a, amah in a mual siangtho panin hong dawng hi.

Late 31:4

keima belhpa na hih manin kei hong kisiahna ngenthang kisel panin hong la khia in.

Late 62:3

Note khempeuh in, a hoi kawm, a kiliing gawl tawh a kibang mi khat, susia dingin bang tanvei hih huan ding na hi uh hiam?

Late 71:3

Nangmah in hong hon dingin ka belh suangpi, ka kulh muan’huai hong hi ta in, bang hang hiam cih leh nangmah in keima suangpi leh ka kulhpi na hi hi.

Late 91:2

Topa tungah, “Ka bukna leh ka munkip muanhuai, ka muan’ ka Pasian na hi hi,” a ci ding hi.

Late 144:1

Ka khutte galdo nading, ka khutmete galkap nadinga a hilh, kei hong hu, Topa in thupha ngah ta hen;

Jeremiah 16:19

Aw Topa, ka hatna leh ka kulhpi, lungkham hun cianga ka bukna aw, leitung mong panin gamdang mite nang’ kiangah hong pai ding uh a, “Ka pu ka pate un zuauthu leh bangmah a, kimang lo milimte longal bangmah a luah kei uh hi.