Israelte mai-ah amaute a tai laitak, Bethhoron paitohna-ah a paisuk lai takun, Topa in vantung panin gialpi lianpite Azekah khua ciang dong, amaute tungah lawnsuk a, amaute si uh hi; Israel mite in namsau tawh a thah sangin tua gialpi hanga a si mi tam zaw hi.
Tua lai takin vantung pan tawi zali bang a gik gialpi kia a, mite in tua gialpi gimna hangin Pasian a kosia uh hi, bang hang hiam na cih uh leh, tua gimna in a lian mahmah hi.
A dot lai takin meii ngo khat in amau tuam a, “Hihpa in, ka lung hong damsak ka it ka Tapa ahi hi. Ama thu na ngai ta un,” ci-in meii lakah aw khat a ging hi.
Topa in Moses' tungah, “En in, nang kong hopih ciangin mite in a zak theih nading leh nang zong hong up tawntung nadingun meii sahpi sungah nang' kiangah kong pai ding hi,” a ci hi. Tua ciangin Moses in mite’ thugente Topa' tungah gen hi.