Late 17:3 - Tedim Bible

³ Keima lungsim hong sin in la, zan-in nangmah ka kiangah hong hawh in la, keimah hong ze-et lecin, ka sungah gitlohna na mu kei ding hi; ka kam in khial lo hi.

Tedim Bible Revision 2017

³ Keima lungsim hong sin inla, zan hun sungin ka kiangah hong hawh inla, keimah hong ze-et lecin, ka sungah gitlohna na mu kei ding hi. Ka kampau-in zong bangmah ka khial kei hi.

Late 17:3 Referans Kwoze

Late 26:2

Topa aw, keimah hong ze-et in la hong sin in; ka lungsim leh ka ngaihsutna hong entel in.

Sawltak 11:23

Barnabas a tun’ ciangin Pasian’ hehpihna thupha a muh ciangin a lungdamin amaute in a lungsim tawh Pasian beel dingin mi khempeuh a hansuah hi.

Late 39:1

“Ka leii tawh ka khialh loh nadingin ka gamtatna ka kikem ding a, ka omna-ah migilote a om lai teng ka kam ka kham ding hi,” ka ci hi.

JOB (Job) 23:10

Ahi zongin Pasian in ka kalsuanna khempeuh thei a, kei hong ze-et khit ciangin kham bangin ka sian’thona a mu ding hi.

Malakhi 3:2

Ahi zongin ama hong pai ni ciangin kua in thuak zo ding a, amah hong kilat ciangin kua nungta zo ding ahi hiam? Amah in, sikte a siangthosak mei, leh puante a siangthosak satpiang tawh kibang hi.

Zekhariah 13:9

Tua a suakta seh khatte pen, meikhukah ngun a kisian’sak bangin, meikhukah kham a kize-et bangin, meikhukah ze-etin ka siangsak ding hi. Amaute in kei tungah thu hong ngenin, kei zong amau’ hong ngetna ka pia ding hi. Keima mi ahihna uh, amaute tungah ka gen ding a, amaute in, kei pen, amau’ Pasian ka hihna thu, a kam uh tawh pulak ding uh hi,” a ci hi.

Late 139:1

Topa aw, nangmah in kei nong entel-a nong thei khin hi.

Late 119:106

A thuman nangma biakna ngeina kipte zui dingin thu ka kiciam khin a, ka kipsak hi.

Late 66:10

Bang hang hiam cih leh Pasian aw, nangmah in kote nong sin zo hi; mei tawh ngun a kisin bangin kote nong sin khin hi.

Micah 2:1

A lupna tungah lumin gitlohna a geelgeelte in gimna ngah ta hen. Zingsang khua a vak ciangin, a hih theih ding hun a ngah phetun, a ngaihsutsa uh gitlohnate semkhia uh hi.

Hosea 7:6

Tua bangin amau’ sawmsimna mei bangin hong kuang hi. Zan tha pai-in a hehna uh mei bangin khu khu a, zingsang ciangin mei bangin hong kuang khia hi.

Jeremiah 50:20

Tua ni tua hun ciangin, Topa in kong cih-inah, Israel gamah khialhna kizong ding a, kimu lo ding hi. Judah gamah mawhna kizong ding a, kimu lo ding hi. Bang hang hiam cih leh ka nuntaksak, ka nusiat lai mite a mawhna uh ka maisak ding hi,”

Paunak 13:3

Pau a ki-ip zo mi in a nuntakna a hu hi a, a mawk paupau mi in amah a kisiasak tawm ahi hi.

Late 16:7

Ngaihsutna hong lak Topa ka phat hi; zan-in zong ka lungsim-ah hong suak hi.

Late 11:5

Topa in midikte leh migilote en tel a, a ngongtat nuam mi a lungsim in mudah hi.

Late 7:4

thu om lopi-in ka lawmte kheemin, ka galte ka huh tak leh,

JOB (Job) 24:14

A zawng a cimawhte a that dingin khuavak ma-in mithatpa kuankhia a, zan sungin mi’ na guksak hi.

1 SAMUEL MASA 26:23

Topa in mi khempeuh a thumanna leh a thutakna hangin thaman pia hi; bang hang hiam cih leh Topa in tuni-in ka khut sungah nang hong pia a, keimah in Topa’ sathau nilhpa hih dingin ka khutte ka tangkhiasak kei hi.

1 SAMUEL MASA 24:12

Topa in kei leh nang kikalah thu khen hen. Kei’ tunga nong khialhnate Topa in kei taangin nang tungah hong thuk hen; ahih hangin keima khut in nang hong hih lo ding hi.

Sawltak 16:9

Zan ciangin Paul in mang a mu hi. Tua mang sungah Makedonia mi khat ding-in, “Makedonia gamah galkah in la, kote hong huh in,” ci-in a thuum hi.

1 SAMUEL MASA 24:10

En in, Topa in tu ni-in leihawm sung ka khut sungah nang hong piakna nangmah mah in tu ni-in na thei khin hi; mi pawlkhat in nang that dingin kei hong sawl a, ahih hangin nang kong hih kei hi. Keimah in, ‘Ka topa tungah ka khut ka nga kei ding hi; bang hang hiam cih leh amah in Topa’ sathau nilhpa ahi hi,’ ka ci hi.

Jeim 3:2

Eite khempeuh in na tampi-ah i khial thei hi. Mi khat in kampau a khialh kei leh, tua mi in a kicing mi hi a, ama pumpi khempeuh a keem thei mi zong ahi hi.

2 KORIN NIHNA 1:12

Kote kisaktheihna in leitung pilna suang loin, Pasian’ hehpihna thupha suangin Pasian hong piak lungsim siangthona leh dikna tawh, a lian belin gen lehang, kote in note lakah ahi zongin, leitungah ahi zongin gamta-in ka bawl uh hi ci-in ka theihna lungsim un teci hong pang hi.

1 KORIN MASA 4:4

Bang hang hiam na cih uh leh, mawhsak nadingin ka pumpi tungah bangmah ka mu kei hi. Ahi zongin tua thu hangin kei in thukhenna tawh kipelh mi ka hi kei hi. Kei thu hong khen mi in Topa ahi hi.

1 SAMUEL MASA 26:11

Topa sathau nilhpa tungah ka khut ka ngak ding Topa in kei hong kham hi; ahih hangin tu-in a lukhung-a a om a teipi leh a tuithawl la-in pai ni,” a ci hi.

1 KHANG TANGTHU MASATE 28:9

“Tu-in nang, ka tapa Solomon aw, na pa’ Pasian thei in la, na lungsim khempeuh leh utna lungsim tawh ama na sem in; bang hang hiam cih leh Topa in lungsim khempeuh zong a, ngimna leh ngaihsutna khempeuh thei hi. Nangmah in amah na zon’ leh nangmah in amah na mu ding hi; ahih hangin amah na nusiat leh amah in nang hong paaikhia paisuak ding hi.

1 KHANG TANGTHU MASATE 29:17

Nangmah in lungsim entelin thumanna ah na lungkimna ka thei hi, ka Pasian aw; lungsim thumanna tawh hih nate khempeuh citna tawh kong pia khin a, tu-in nang tungah citna leh lungdamna tawh a hong pia, hih lai-ah a om na mite ka mu zo hi.

Late 139:23

Pasian aw, kei hong entel in la ka lungsim hong thei in! Kei hong sit in la ka ngaihsutnate hong thei in!

Jeremiah 12:3

Ahih hangin Topa aw, nangmah in kei nong thei a, ka gamtatnate nong mu a, nang bang zah-a hong it cih nong entel hi. Amaute gawh dinga kikoih tuu bangin kaikhia in la, a kigawh ni a tun’ mateng tuam koih in.