Late 17:2 - Tedim Bible

² Ka tan’na nangma kiang panin hong kilangsak ta in! Na mitte thuman musak ta in!

Tedim Bible Revision 2017

² Thuman mu na hih manin ka dikna hong kilangsak in.

Late 17:2 Referans Kwoze

Late 37:6

Amah in na dikna khuavak bangin, na thumanna sun ni taang bangin hong lang sak ding hi.

Ezekiel 18:29

Ahi zongin no Israel mite in, ‘Topa’ hihna zia man lo hi,’ na ci uh hi. Israel mite aw, keima’ hihna zia man lo ahi zenzen hiam? A man lo pen nomau’ ngaihsutna zia hi zaw hi.

Ezekiel 18:25

“Ahi zongin note in, ‘Topa’ hihna zia man lo hi,’ na ci uh hi. Israel mite aw, ka thugen hong ngai un. Keima hihna zia a man loin ngaihsun na hi uh hiam? A man lo pen nomau’ ngaihsutna zia hi zaw hi.

Juda 1:24

Note na kipuk loh nadingun hong kemin, mawhna om loin, lungdam mahmahin note ama’ minthan’na mai-ah hong koih thei, i Topa Zeisu Khazih hangin eite’ Honpa Pasian khat bek tungah minthan’na, thupitna, vangliatna leh ukzawhnate tu-ma hun khempeuh, tu laitak leh a tawntungin om ta hen! Amen.

Ezekiel 33:20

Ahi zongin Israel mite in keima hihna zia a thutang loin gen uh hi. Keimah in amaute’ gamtatna tawh kizui-in thu a khen ding ka hi bek hi,” hong ci hi.

Ezekiel 33:17

“Ahi zongin na mipihte in keima hihna zia thutang lo hi, ci-in ngaihsun uh hi. Tua bang hilo zaw a, amau’ ngaihsutna zia a man lohna hang hi zaw hi.

Late 37:33

Topa in migilopa’ khut sungah amah nusia lo ding a, thusit dingin amah a kipaipih ciangin mawhna thuaksak lo ding hi.