Late 17:10 - Tedim Bible

¹⁰ Amaute in hehpihna lungsim nei lo uh a, a kam uh tawh amaute kiphatsak pau uh hi.

Tedim Bible Revision 2017

¹⁰ Amaute in hehpihna lungsim bangmah nei lo uh a, a kam uh tawh amaute kiphatsak pau uh hi.

Late 17:10 Referans Kwoze

1 SAMUEL MASA 2:3

Tua bangin kiphatsakna tawh pau nawn kei in la, na kam sung pan kihihsakna gingkhiasak kei in; bang hang hiam cih leh Topa in theihna Pasian hi a, amah in gamtatnate tawikhai hi.

Late 123:4

A ut ut-a gamta mite’ hong zahkona, mi kiphasakte’ hong simmawhna tawh sau vei ka gim lua khin ta uh hi.

Late 31:18

Thumante lang pang a, kihihsak pau in, kiphatsakna leh simmawhna tawh kam a pau, zuauthu gen mukte pau thei lo sak in.

Mattiu 13:15

Bang hang hiam na cih uh leh, hih mipawlte in a mit un khua mu lo, A bil un khua za lo, A lungsim un thei lo, A gamtatna uh kikhel lo, Amau cinatna uh ka damsak loh nadingin, Amau lungsim uh khauh a, A bil uh ngong a, A mit uh a si uh hi,’ a ci hi.

2 PETER NIHNA 2:18

Bang hang hiam na cih uh leh, khialhna ahih thei mite sung pan a taisuak dek takte tungah kisaktheihna kam mawkna genin pumpi deihna lunggulh luatna tawh, mawhna-ah a zol thei uh hi.

Sawltak 28:27

Amaute in a mit uh tawh a muh loh nading, a bil uh tawh a zak loh nading, A lungsim uh tawh thu a theihtel loh nading, amaute kihei-in damna a ngah loh nadingun, amau lungsim uh mawl a, amau bil uh ngong a, a mit uh a si hi,’ a ci hi.

Isaiah 6:10

amaute in a mit uh tawh a muh loh nading, a bil uh tawh a zak loh nading, a lungsim uh tawh thu a theihtel loh nading, amaute kihei-in damna a ngah lohna dingun hih mite lungsim mawl sak in la, amau bil uh ngong sak in la, a mit uh va si sak in,” hong ci hi.

Late 119:70

amaute’ lungsim in thu theithei loin kheengcip a, ahih hangin ke’n nangma thu sung nuam ka sa hi.

JOB (Job) 15:27

A thatang muan’huai-in a pumpi a liat hangin,

Paikhiatna 15:9

Galte in, ‘ka delh dinga, ka pha ding hi. A nate uh ka hawm ding a, ka deih zahzah-in tuate ka tang ding hi. Ka namsau ka dok ding a, ka khut in amaute susia ding hi,’ ci hi.

Paikhiatna 5:2

Ahih hangin Faro in, “Ama' aw ngai-in Israel ka paisak dingin Topa in kua ahi hiam? Topa ka thei kei hi, tua tham loin Israelte ka paisak kei ding hi,” ci hi.

Thu-hilhkikna 32:15

“Israel mite thau mahmah uh a, a lehdo thei mi suak uh hi; note thau-in, lianpi pha-in, na zol uh hi; tua ciangin amaute a bawl Pasian amaute in nusia-in, amau’ a Honkhiapa thusim lo uh hi.