Late 16:7 - Tedim Bible

⁷ Ngaihsutna hong lak Topa ka phat hi; zan-in zong ka lungsim-ah hong suak hi.

Tedim Bible Revision 2017

⁷ Ngaihsutna a hong lak Topa ka phat a, zanin zong ka lungsimah hong suak hi.

Late 16:7 Referans Kwoze

Late 73:24

Nangma thugenna tawh keimah lam nong lak a, a nung ciangin minthan’na tawh keimah nong sang ding hi.

Isaiah 50:4

Thugenna tawh a lunggim mite tha a pia thei kammal ka theih nadingin, Topa Pasian in ka gen ding thu hong hilh khin hi. Ama hong hilhnate a ngai dingin zingsang simin hong phong hi.

Late 77:6

Zan-in ka lungsim tawh ka kiho a, lung geelgeelin thu ka kan ciangin:

Late 17:3

Keima lungsim hong sin in la, zan-in nangmah ka kiangah hong hawh in la, keimah hong ze-et lecin, ka sungah gitlohna na mu kei ding hi; ka kam in khial lo hi.

Late 42:8

Topa in sunin a itna kip hong sawl hi; zan ciangin nuntakna hong pia Pasian tungah thungetna la ka sa hi.

Isaiah 48:17

Israelte’ Siangtho Pa, nangmah hong Tan, Topa in: Keimah in, phattuamna na ngah nading a, a hong hilh, na zuih ding a, kilawm lampi-ah a hong paipih Topa na Pasian ka hi hi.

Isaiah 26:9

Ka lungsim khempeuh tawh zanin nang kong deih a, zingsang khuavak ciangin lungsim tak tawh nang kong zong hi. Bang hang hiam cih leh leitung leh a mite tungah thu na khen ciangin leitung a, teeng mite in thuman i cih bang hiam, cih phawk ding uh hi.

Paunak 8:14

Thu geelin ka semkhia a, thutelna nei-in, kei ka thahat hi.

Late 119:55

Topa aw, zan-in nangma min ka phawk a, nangma thu ka zui hi.

Jeremiah 17:10

Keimah Topa in mi khempeuh’ nuntak zia leh gamtatna tawh kizui-a piakhia dingin ngaihsutna ka entel a, lungsim ka sittel hi.”

Luka 6:12

Tua lai takin Zeisu in thu ngen dingin mual tungah kahto a, Pasian kiangah thu ngenin zan khat tawntung a om hi.

Mangmuhna 2:23

Ama tate zong ka that ding hi. Tua ahih ciangin keimah in lungsung sinsung a zong kawikawi thei Topa ka hih thu, pawlpi khempeuh in a thei ding uh hi. Note khempeuh zong na gamtatna uh tawh kituakin ka hong thukkik ding hi.

Late 119:7

Nangma biakna ngeina kipte ka sin khit ciangin lungsim thutang tawh nangmah kong phat ding hi.

Late 119:148

Nangma thuciamna a lungngaingai dingin, zan khuavak-in ka zanhak hi.

Late 77:2

Ka lungkham hunin keimah in Topa zongin; zanin thungenin gim het loin ka khut ka zan a, ahi zongin hehnepna ka ngah kei hi.

Late 22:2

Ka Pasian aw, sun-in ka kiko a, ahih hangin nong dawng kei hi; zan-in ka kiko a, ahih hangin lungsim nopna ka mu kei hi.

Jeremiah 12:2

Nangmah in amaute na suan a, amau in zong zung kha-in, hong khangin, gah hong gah uh hi. A kam uh tawh nang hong phat uh a, a lungsim uh nang tawh kigamla hi.

Late 73:21

Ka lung khamin ka lungsim hong nat ciangin,