Late 16:5 - Tedim Bible

⁵ Topa pen keima luah dinga ka teelsa leh keima hai, na hi hi; keima ngah ding nangmah in na kem hi.

Tedim Bible Revision 2017

⁵ Topa pen keima luah dinga ka teel sa, keima muanpi na hi a, keima ngah ding khempeuh na khut sungah om hi.

Late 16:5 Referans Kwoze

Late 73:26

Ka lungsim leh ka pumpi zawngkhal kha ding a, ahih hangin Pasian in ka lungsim hatna leh keima aa hi tawntung ding hi.

Late 142:5

Topa aw, nang tungah kong kiko hi; nang in keima belh na hi a, a hingte’ leitangah keima tanh na hi hi, kong ci hi.

Kah la 3:24

Topa longal neih dang nei lo ka hih manin, Ama tung bekah lametna ka nei hi.

Late 23:5

Ka galte omna mai-ah kei’ ading an nong lui hi; ka lu sathau nong nilh a, ka hai a dimlet hi.

Late 119:57

Topa pen keima tanh ahi hi; na thute zuih ding ka kiciam hi.

Thu-hilhkikna 32:9

Ahi zongin Topa’ tanh in ama mite hi a, Jakob suante pen a kipia ama luah ahi hi.

Late 89:4

Na suan na khakte kumpi-in ka kipsak suak ding a, na kumpi gam, khang tawntungin ka kipsak ding hi,” na ci khin hi.

Jeremiah 10:16

Jakob’ Pasian in tua bang hi lo a, amah in na khempeuh a piangsakpa ahi hi. Ama’ mi dingin Israel mite teel a, Ama’ min in a vanglian Topa ahi hi.

Isaiah 53:12

Tua ahih ciangin amah pen mi liante tawh nate ka hawmsak ding a, amah in mi hatte tawh nate hawm ding hi; bang hang hiam cih leh amah in sihna dongin a nuntakna piakhia a, khialhna a nei mite tawh kisim khawm hi; ahih hangin amah in mi tampi’ mawhna pua a, khialhna neite’ adingin thuumna bawlsak hi.

Late 116:13

Topa in kei hong hotkhiat ka lungdamna hangin, ama kiangah tuiphih biakna ka paipih ding hi.

Late 9:4

Bang hang hiam cih leh, keima thutan’na nong kipsak a, tokhom tungah tu-in thuman na khen hi.

Sawltak 5:31

Israel mipawl kisikkikna leh mawh kimaisakna thu a piak nading tua mi in Ukpa leh Gumpa a suah na’ngin Pasian in ama ziat lamah a koih sang hi.

Late 132:11

Topa in a pelh loh ding kiciamna taktak khat David tungah a ciam a, “Nang sung pan-a na tate khat na kumpi tokhom tungah ka koih ding hi.

Late 2:6

“Ka mual siangtho Zion tungah ka Kumpi ka tusak khin hi,” ci hi.

1 KORIN MASA 15:25

Pasian in galte khempeuh ama khe nuai-ah a khiat khit dong matengin Khazih in a maang ding hi.

Late 125:3

Thuman mite in khialhna a bawl khak loh nadingun, amaute tunga kipia leitang tungah migilote in amaute uk paisuak lo ding hi.

Late 11:6

Migilote tungah amah in mei-am leh kat zusak ding a, amau ngah ding hai in huih sa mahmah hi ding hi.

Efesa 5:18

Hong khamsak thei leenggahzu tangin, Kha Siangtho tawh kidimin om un.

Isaiah 42:1

Keimah in ka huh, keima teel, ama sungah ka lungkimna ka nasempa en un; ka Kha tawh amah ka kidimsak a, amah in minam khempeuh tungah thuman tungsak ding hi.

Sawltak 2:32

Tua Zeisu Pasian in a thawhkiksakna thu kote khempeuh in teci ka hi uh hi.

Thu-hilhkikna 18:2

Amaute in a sanggamte lakah gamluah nei lo ding uh hi; amah in amaute tungah a ciam mah bangin Topa in amaute’ luah ahi hi.

Joshua 22:25

Bang hang hiam cih leh no Reuben mite leh Gad mite leh ko’ kikalah gamgi-in Topa in Jordan bawl khin zo hi; Topa sungah no’ tanh bangmah om lo hi,’ a cih khak ding uh launa tawh ka bawl uh ahi hi. Tua ahih ciangin ka tate un Topa a biak ding uh na tate un khaktan kha ding uh hi.